Cultura

📅 Data: Sábado, 11 de xaneiro de 2025
⏰ Hora: 20:30 h
🏟 Lugar: Auditorio do Centro Cultural e Xuvenil de Muros
🎟 Prezo: 3,50 €
👀 Público recomendado: +16 anos
⏳ Duración: 120 min

🎫 Reserva de entradas dispoñible en: https://forms.gle/h1wtLwxdvmqgQDFx5

ℹ️ Tamén podes reservar e comprar as entradas nas oficinas do Centro Cultural e Xuvenil de Muros en horario de 8.00 a 15.00 h.

✨ Sobre “Boa sorte, mala fama”

As andoriñas, símbolo de boa sorte, tamén carrexan mala fama, igual que tantos emigrantes galegos que partiron á procura dun futuro mellor. Con esta poderosa metáfora, “Boa sorte, mala fama” reflexiona sobre as historias de vida e sacrificio que adoitan quedar na sombra.

Esta proposta de Tarabela Creativa conecta coa realidade local e ademais contou coa colaboración na súa creación do veciño muradán Tono Beiro, o que lle engade un valor especial e auténtico.

A concelleira de Cultura, Caridad González, destaca: “É un orgullo iniciar a programación de 2025 cunha obra que reflexiona sobre o fenómeno da emigración, tan arraigado na nosa historia. A participación do veciño muradán Tono Beiro, que deixou pegada aquí e máis alá do mar, dálle unha conexión especial e auténtica.”

---

A nova temporada inclúe teatro, circo e cine, cunha oferta que combina diversidade, calidade e acceso para todos os públicos.

Destacan propostas como “O Dragón de Ouro” de Sarabela Teatro, espectáculos infantís e o circo de Pistacatro para o Día Mundial do Circo.

O Concello de Muros presenta a programación cultural para o primeiro semestre de 2025 no Auditorio do Centro Cultural e Xuvenil. O calendario inclúe un total de 10 espectáculos que abranguen teatro, circo e cine, pensados para público infantil, xuvenil e adulto. Trátase dunha aposta decidida por achegar propostas culturais de alta calidade a toda a veciñanza.

A temporada inaugurarase o sábado 11 de xaneiro coa obra “Boa sorte, mala fama” da compañía Tarabela Creativa. Este espectáculo, centrado na temática da emigración, conta co valor engadido de que participou como informante na súa creación o veciño muradán Tono Beiro, o que achega unha conexión especial coa realidade local. A obra busca reflexionar sobre un fenómeno profundamente arraigado na nosa historia e identidade, ofrecendo unha narrativa emocional e comprometida.

Caridad González, concelleira de Cultura, destacou o compromiso do Concello por ofrecer unha programación diversa e para todos os públicos: “Queremos que o auditorio continúe sendo un punto de encontro cultural e social. Esta programación reafirma o noso compromiso por achegar experiencias culturais enriquecedoras e accesibles, poñendo a diversidade e a calidade no centro da nosa oferta. A colaboración coa AGADIC e a pertenza á Rede Galega de Teatros e Auditorios permítenos traer ao noso concello espectáculos de primeiro nivel, garantindo o acceso da veciñanza a unha programación cultural de calidade.”

Entre as propostas máis destacadas deste semestre atópase “O Dragón de Ouro” de Sarabela Teatro, que se representará o sábado 8 de marzo. Esta obra, dirixida ao público adulto, aborda temáticas sociais e humanas cunha posta en escena contemporánea e emocionante, sendo unha das apostas máis ambiciosas e esperadas do programa.

A programación inclúe tamén espectáculos infantís como “Compaña” de Xampatito Pato ou “A teteira de Kabul” de Xarope Tulú, así como propostas para todos os públicos como o circo de “Petit Cabaré” de Pistacatro, que celebrará o Día Mundial do Circo, e obras de humor e crítica social como “Nabiza Girl II” de Isabel Risco.

Ademais, o auditorio tamén acollerá a estrea do filme documental “O último berro” de Trapos Sucios, unha peza audiovisual que recolle o seu último concerto na pasada edición do festival Castelo Rock.

María Lago, alcaldesa de Muros, subliñou o éxito de público acadado en 2024 e o papel fundamental do auditorio como motor cultural: “O 2024 foi un ano extraordinario, con altísimos índices de participación nos espectáculos programados. Estamos convencidas de que este 2025 será igual de exitoso, grazas a unha oferta cultural que se adapta aos intereses de todas as persoas e reafirma o noso compromiso co acceso universal á cultura.”

As entradas poden adquirirse de forma anticipada ata o día anterior de cada espectáculo nas oficinas do Centro Cultural e Xuvenil de Muros ou a través do formulario habilitado na páxina web oficial www.muros.gal.

Programa completo:

https://drive.google.com/file/d/1ZUiZokQf3HzvY1UvBpavMbQHoun2Igs4/view?usp=share_link

Colaboran:

AGADIC (Rede Galega de Teatros e Auditorios)

---

Teatro, festivais, obradoiros, festas para todas as familias, concertos e as visitas de Papa Noel e os Reis Magos levarán a maxia do Nadal a todas as parroquias.

O Concello de Muros presentou onte o Programa de Nadal 2024, un mes cheo de actividades pensado para todas as idades. Os nenos e nenas serán os grandes protagonistas dun programa no que tamén colaboran activamente o tecido asociativo e os centros educativos municipais.

A alcaldesa, María Lago, destacou que se trata dunha programación “ampla e variada, que levará o Nadal a todas as parroquias grazas ao traballo conxunto de varias concellerías e á implicación de colexios e asociacións locais”. Pola súa parte, a concelleira de Cultura, Caridad González, salientou a variedade de propostas: “preparamos unha oferta que combina actividades culturais, lúdicas e festivas, co obxectivo de que todas as familias de Muros poidan gozar dun Nadal especial”.

O programa inclúe numerosos eventos, como obradoiros, festas e concertos, destacando algúns momentos moi esperados:

• O acendido do Nadal, que terá lugar o xoves 5 de decembro ás 19:00 horas no Curro da Praza, coa actuación de Cayetano Lledó e unha visita guiada polo casco histórico.
• A visita de Papa Noel a Muros, o luns 23 de decembro.
• A tradicional Cabalgata de Reis, o domingo 5 de xaneiro, co desfile dende Laxeiras (Serres) ata o Curro da Praza (Muros).
• A Festa de Reis en Esteiro, o mércores 3 de xaneiro no pavillón Xosé Lago.

Ademais, haberá actividades en todas as parroquias, como obradoiros e sesións de contacontos, o Mercadiño Solidario o venres 13 de decembro coa colaboración dos centros educativos, o concerto de Nadal da Escola Municipal de Músicapara os usuarios do Centro de Día, e outros eventos destacados como:

• A I Gala do Deporte, o sábado 21 de decembro.
• O Festival Benéfico de Adisbismur, o domingo 22 de decembro.
• A xa tradicional San Silvestre Muradana, o sábado 28 de decembro.

PROGRAMA COMPLETO

---

📅 Sábado, 23 de novembro ás 18:00 h
🏟 Auditorio do Centro Cultural e Xuvenil de Muros
🎟 Entrada: Gratuíta
💻 Reservas: https://buff.ly/4fwKuWP
👀 Público recomendado: +4 anos
🎫 Tamén podes facelas presencialmente nas oficinas do Centro Cultural e Xuvenil de Muros en horario de 8.00 a 15.00 h.

Sobre “Teatro dos vieiros”: Xoán Curiel e Charo Pita interpretan a dous traballadores dun teatro que deben improvisar un espectáculo cando un furacán impide a chegada dos actores principais. Con música en directo, narración oral e teatro, esta comedia fresca e interactiva transportará ao público a un universo de imaxinación e aventuras, facendo ademais unha homenaxe á figura de Carvalho Calero.

A concelleira de Cultura, Caridad González, destaca: “Estamos encantados de ofrecer unha proposta que combina música, teatro e valores educativos. “Teatro dos Vieiros” é un exemplo do noso compromiso con achegar programación de calidade e variada para todas as idades, especialmente as máis pequenas, que son o futuro da nosa cultura.”

---

 Venres, 15 de novembro ás 20:30 h
 Auditorio do Centro Cultural e Xuvenil de Muros
 Entrada gratuíta con reserva previa
 Duración: 60 min
 Reservas: https://buff.ly/3O2JlKy
 Reserva dispoñible nas oficinas do Centro Cultural e Xuvenil de Muros en horario de 8:00 a 15:00 h

A Asociación Poten100mos, a través da plataforma DiversidArte, presenta “O Misterioso Cabaret do Sr. Pilgrim”, unha peza teatral que mestura teatro e danza para levar ao público a unha viaxe chea de emocións e reflexións. Esta obra explora temas sociais como a saúde mental, a violencia de xénero, e a migración, a través dun elenco de personaxes que, atrapados nun cabaret misterioso, reviven o seu pasado nun presente interminable.

A concelleira de Cultura, Caridad González, comenta: “Esta é unha obra que invita a mirar cara dentro e a reflexionar sobre temas de gran relevancia social. Estamos encantados de traer este tipo de propostas culturais a Muros, fomentando unha programación que dá espazo á inclusión e á diversidade”.

---

 Sábado, 16 de novembro ás 20.30 h.
 Auditorio do Centro Cultural e Xuvenil de Muros
 Entrada gratuíta con reserva previa: https://forms.gle/nhNF4K8j8ZG7WdgR7
 Duración: 60 min
 Reserva dispoñible nas oficinas do Centro Cultural e Xuvenil de Muros en horario de 8:00 a 15:00 h.

O Concello de Muros é un dos 25 concellos onde se proxectará o documental Bravú XXX, unha homenaxe á historia e evolución do movemento Bravú en Galicia. Esta peza de Xurxo Souto recolle testemuños de figuras fundamentais como Os Vacalouras, Sés, Nuno Pico e Johnny Rotring, que achegarán ao público as raíces e o espírito rebelde deste movemento musical que marcou os anos 90 e continúa influíndo a escena galega.

A concelleira de Cultura, Caridad González, destaca: “Este documental ofrece unha oportunidade única para revivir a rebeldía e a autenticidade que definen ao Movemento Bravú e que deixaron unha fonda pegada na nosa cultura. Queremos que a veciñanza de Muros, e especialmente a mocidade, coñeza a historia e a forza deste movemento tan noso.”

A Cultura da Deputación da Coruña impulsa esta iniciativa, que leva Bravú XXX a concellos de toda a provincia neste mes de novembro, achegando ao público a forza dun movemento clave na música galega.

---

📅 Sábado, 9 de novembro ás 20:30 h
🏟 Auditorio do Centro Cultural e Xuvenil de Muros
🎟 Prezo: 3,50 €
👀 Público: Familiar
⏳ Duración: 70 min
🎫 Reservas: https://forms.gle/Lpfosm9hS5aLVY5G6
ℹ️ Tamén podes reservar e comprar as entradas nas oficinas do Centro Cultural e Xuvenil de Muros en horario de 8.00 a 15.00 h.

Este espectáculo é unha reflexión divertida sobre a vida e a súa complexidade. Cando pensamos que temos todo controlado, quizais sexa o momento de preguntarnos se realmente sabemos algo. Este espectáculo quere rirse de si mesmo e, sobre todo, lograr que o público se ría con el.

A obra narra as vivencias de Federico, desde o seu nacemento ata o presente, abordando temas como a familia, a infancia e, inevitablemente, a morte. Ademais, incorpora música, con interpretacións de clásicos de The Beatles e Frank Sinatra, para acompañar historias que emocionan e fan rir.

A concelleira de Cultura, Caridad González, destaca: “Estamos contentos co éxito que estamos tendo nesta temporada outonal. A programación combina actuacións de teatro infantil e para adultos, como foi o caso de “O auto do Castromil”, onde logramos esgotar as entradas. “Xa que o sabes, voucho contar (e cantar)” é outra proposta que non se deben perder, xa que promete risas e emocións a partes iguais. A nosa meta é ofrecer variedade e calidade na programación.”

---

Infórmase de que, segundo o establecido nas bases, do 28 ao 31 de outubro estará aberto o prazo para cubrir as prazas vacantes nos distintos obradoiros culturais.

As inscricións poderán realizarse de forma presencial nas oficinas do Centro Cultural e Xuvenil de Muros.

👉 Prazas vacantes por parroquia e actividade:

📅 Datas de inscrición: do 28 ao 31 de outubro
ℹ️ Inscricións e información: Oficinas do Centro Cultural e Xuvenil de Muros ou no 981 762 294.

---

 Venres, 18 de outubro ás 20:30 h
 Auditorio do Centro Cultural e Xuvenil de Muros
 Prezo: 2,50 €
 Público: +16 anos
 Duración: 70 min
 Reservas: https://buff.ly/4003pVo

 Tamén podes reservar e comprar as entradas nas oficinas do Centro Cultural e Xuvenil de Muros en horario de 8.00 a 15.00 h.

 Sobre “Vacas, Guerras, Porcos e Cregos”:

Quico Cadaval regresa aos escenarios para contar historias inesquecibles que mesturan vacas, curas, porcos, militares e veciñanza, todo aderezado co seu estilo único de narración. Este espectáculo de teatro da palabra transportaranos a un mundo de sucedidos cómicos e fantásticos, co humor e a imaxinación como protagonistas.

 Non perdas a oportunidade de vivir unha noite chea de historias fascinantes e divertidas da man dun dos grandes contadores de historias de Galicia!

---

 Sábado, 19 de outubro ás 18:00 h
 Auditorio do Centro Cultural e Xuvenil de Muros
 Prezo: 2,50 €
 Idade recomendada: +4 anos
 Duración: 45 min
 Reserva as túas entradas aquí: https://buff.ly/482Gavy

 Tamén podes reservar as entradas nas oficinas do Centro Cultural e Xuvenil de Muros en horario de 8.00 a 15.00 h.

 Sobre “Pum! Pum!, quen Hai?”:

Acompaña a Gaia, unha nena espelida que nos leva de viaxe polos xogos tradicionais da súa aldea galega. Xunto con personaxes tan entrañables como a Tía Maruxa e Don Rosmón, Gaia descubrirá os segredos das portas veciñas e vivirá unha aventura chea de risas, música e revelacións.

Este musical, que explora valores como a aceptación e a diversidade, mestura humor e ritmo, convidándonos a descubrir que cando non todo é o que parece, a vida pode converterse nunha marabillosa aventura.

---