Dende o Concello de Muros quero e queremos pór á disposición de toda a nosa veciñanza e das persoas que nos visitan esta páxina na que te atopas, coma unha ferramenta útil e complementaria na prestación de servizos.

Pretendemos con ela mellorar a accesibilidade á información e á comunicación coa administración,así como,a transparencia e a participación da veciñanza na vida municipal. Unha porta máis ao que pretendemos que sexa un municipio totalmente aberto á cidadanía.

Aquí poderás ver a transformación que impulsa o equipo de goberno para mellorar a calidade de vida do noso concello, poñendo as persoas no centro de toda actuación, para afrontar xuntas os retos que o tempo no que vivimos nos presenta, e abordando xuntas cuestións veciñais, económicas, culturais, educativas, lingüísticas, sociais e ambientais dende unha perspectiva municipal, para así asentar o cambio cara a un mundo máis xusto, igualitario e respectuoso.

Eu como alcaldesa, e en nome de todo o goberno municipal, asumo con inmenso orgullo e honra traballar por e para o concello no que vivo, no que teño as miñas raíces e onde quero que medren as miñas pólas.

Fico e ficamos sempre á vosa disposición!

María Lago Lestón

Alcaldesa do Concello de Muros