PROGRAMACIÓN | FESTAS SAN PEDRO

FESTAS SAN PEDRO
Concello de Muros | 2023

28 | xuño
19:00 H.- PASACALLES – XEITURA
20:00 H.- TEATRO DOS GHAZAFELHOS “AS MINAS DO REI SALOMÓN” – Praza do Mercado
22:30 H.- VERBENA
CLAXXON
DISCO MÓBIL CDC

29 | xuño
11:30 H.- PROCESIÓN
12:00 H.- MISA SOLEMNE cantada pola CORAL DON DIEGO DE MUROS
13:00 H.- CONCERTO BANDA
21:00 H.- MÚSICA MIUDA EN CONCERTO!!! “CAMBIANDO CONTOS” – Praza do Cristo
22:30 H.- VERBENA
LA BANDA DE AYER
OLYMPUS

24:00 H.- FOGOS DE ARTIFICIO

30 | xuño
12:00 H.- PASACALLES – FALTRIQUEIRA
20:00 H.- XACARANDAINA MUSICAL
21:00 H.- MIGUEL GUIDO “O LOBO FELIZ” – Praza do Cristo
22:30 H.- CONCERTO
THE RAPANTS
MONOULIOUS DOP
LOS RASTREADORES
(O proxecto de Ortiga e Grande Amore)

1 | xullo
22:30 H.- VERBENA
TATTOO
DJ BLASS

Organiza: Concello de Muros
Colaboracións: Xunta de Galicia. Programa Ler conta moito. AGADIC. Programa Danza 3. Excma. Deputación Provincial da Coruña – Rede Cultural


EDUCACIÓN SECUNDARIA PARA PERSOAS ADULTAS (ESA) – IES PLURILINGÜE FONTEXERÍA DE MUROS

EDUCACIÓN SECUNDARIA PARA PERSOAS ADULTAS (ESA)
IES PLURILINGÜE FONTEXERÍA DE MUROS

NECESITAS O TÍTULO DE GRADUADO EN EDUCACIÓN SECUNDARIA OBRIGATORIA PORQUE…

  • QUERES PRESENTARTE A UN POSTO DE TRABALLO NO QUE O ESIXEN?
  • QUERES PRESENTARTE A UNHAS OPOSICIÓNS?
  • QUERES OBTER O CELGA 3?
  • QUERES FACER UN CICLO MEDIO DE FORMACIÓN PROFESIONAL OU O BACHARELATO?
  • QUERES MELLORAR O TEU CURRÍCULO E A TÚA FORMACIÓN ACADÉMICA?

AGORA PODES CONSEGUILO CURSANDO OS MÓDULOS 3 E 4 NA EDUCACIÓN SECUNDARIA PARA PERSOAS ADULTAS NO IES PLURILINGÜE FONTEXERÍA.

REQUISITOS DE ACCESO

  • ter 18 anos ou máis ou cumplilos antes do 31 de decembro.
  • se tes menos de 18 anos:
    • Ter cursado ensinanzas de adultos en anos anteriores
    • Ser maior de 16 anos e ter un contrato laboral que impida acudir ao centro en réxime ordinario
    • Ser deportista de alto rendemento

E CUMPRIR OS SEGUINTES REQUISITOS ACADÉMICOS

  • MÓDULO 3, ter superado algún dos seguintes cursos:
    • 2º de ESO,
    • 8º de EXB,
    • Módulo 2 de ESA,
    • Módulos obrigatorios de 1º PCPI.
  • MÓDULO 4, ter superado algún dos seguintes cursos:
    • 3º de ESO,
    • 1º de BUP ou 1º de FPI
    • Módulo 3 de ESA.

COMO É O ENSINO DE ADULTOS/AS?

No IES Plurilingüe Fontexería impártese a Educación Secundaria para Persoas Adultas (ESA) en Módulos cuadrimestrais que permiten a obtención do Título de Graduado en Secundaria, sendo o Módulo 3 (equivalente a 3º de ESO) impartido entre Setembro e Febreiro, e o Módulo 4 (equivalente a 4º de ESO) impartido entre Febreiro e Xuño.

Cada módulo organízase en tres ámbitos:

  • Comunicación (Lingua Galega, Lingua Castelá e Inglés)
  • Social (Ciencias Sociais, Xeografía e Historia)
  • Científico-Tecnolóxico (Matemáticas, Tecnoloxía e Ciencias Naturais)

ATENCIÓN AO HORARIO:

As ensinanzas de adultos impartiránse Luns e Mércores das 18:00 ás 21:45 horas, e Martes e Xoves, das 16:30 ás 20:15 (de 4 a 5 sesións diarias de 45 minutos).

SOLICITUDE DE MATRÍCULA:

Do 3 ao 17 de Xuño na secretaría do centro.
En Xaneiro ábrese un novo prazo de matrícula para o alumnado que accede directamente ao Módulo 4 (4º de ESO).

MÁIS INFORMACIÓN:

IES PLURILINGÜE FONTEXERÍA – MUROS
Agra de Baño, 21 Tfnos.: 881867110, 881867108.
ies.fontexeria@edu.xunta.es
www.edu.xunta.es/centros/iesfontexeria/

Adxunto: propaganda adultos 22-23-A3.pdf


ANDAINA | PASOS POLA IGUALDADE

#8M | Dentro das actividades que o Concello de Muros programará polo 8 de marzo Día da Muller inclúese a Andaina “Pasos pola Igualdade” que terá lugar o domingo 6 de marzo.

A andaina percorrerá parte do Camiño de Santiago Ría de Muros-Noia e contará cunha ruta curta ata a Abelleira (9,4 km) e outra longa ata Esteiro (14,2 km) dende Muros.

O horario da saída será as 9.30 h dende o porto de Muros e haberá servizo de bus para o regreso.

O número de prazas limítase a 100 e xa podedes facer a vosa inscrición a través do seguinte enlace:

https://forms.gle/dg3KtoodsVKCKUN49


BANDO | Corte da emisión do sinal de televisión o luns 31, na zona de Abelleira/Torea/Tal

M. INÉS MONTEAGUDO ROMERO, como Alcaldesa-Presidenta do Concello de Muros, en base ás atribucións que me confire a Lei  FAGO SABER

Coa finalidade de mellorar o sinal de televisión da zona afectada, os técnicos encargados de realizar o traslado do equipamento do centro de extensión de cobertura do sinal de televisión de titularidade municipal de Abelleira, este comezará o luns 31 de xaneiro, ás 12:00 horas,  e suporá un corte da emisión do sinal de televisión desde este centro,  que quedará restablecida ao longo da tarde

O corte da emisión afectará ás canles que se están a emitir actualmente desde este centro:

·         Canle 22 (RGE1): TVE1, TVE1 HD, TVE2, TVE2 HD,  24H, 24H-HD

·         Canle 25 (AUT): TVG, TVG2, GHD, G2HD

·         Canle 28 (MPE3): Telecinco, Cuatro, Divinity, FDF, T5 HD, Cuatro HD.

·         Canle 38 (MPE2): Antena 3, La Sexta, Neox, Nova, A3HD, Sexta HD.

·         Canle 42 (RGE2): TDP, TDP HD, Clan,  Clan HD, DKiss.

·         Canle 46 (MPE1): Disney Channel, Paramount Network, DMax, Gol.

e ás seguintes entidades de poboación, que teñen a este centro como mellor servidor:

ConcelloParroquiaLugarNum. habitantes
MUROSABELLEIRA (SANTO ESTEVO)A RATEIRA19
MUROSABELLEIRA (SANTO ESTEVO)ABELLEIRA DE ARRIBA87
MUROSABELLEIRA (SANTO ESTEVO)BORNALLE115
MUROSABELLEIRA (SANTO ESTEVO)O CRUCEIRO32
MUROSABELLEIRA (SANTO ESTEVO)O PAZO109
MUROSTAL (SANTIAGO)TAL DE ARRIBA223
MUROSTOREA (SAN XIÁN)PANDO34

TEATRO | Xoves 7 – A Panadaría – “Elisa e Marcela” || Sábado 9 – La Quintana Teatro – “O Premio”

O concello de Muros inicia esta semana a súa programación teatral para a tempada 2021/22, no Centro Cultural e Xuvenil de Muros, con dous premiados espectáculos, “Elisa e Marcela”, de A Panadaría teatro e “O Premio”, de La Quintana teatro, os dous destinados a público adulto e coproducidos polo CDG.

A Panadaría – “Elisa e Marcela”

Día e hora: xoves 7 de outubro, ás 21:00 horas.
Local: Auditorio do Centro Cultural de Muros
Actividade: Teatro – A Panadaría – “Elisa e Marcela”
Entradas: de balde, previa reserva

Programa: “Fondo de proxectos culturais Xacobeo 2021-22”, da Secretaría Xeral de Política Lingüística da Xunta de Galicia

Ano 1901, A Coruña. Dúas mulleres casan na Igrexa de San Xurxo, unha delas vestida de home. Unha historia de persecucións policiais, fuxidas en dilixencia, cambios de identidade e informacións manipuladas. As cómicas de A Panadaría presentan unha reconstrución irreverente dun suceso real. Unha comedia musical onde o verídico parece invento. Elisa e Marcela é unha historia de amor a contratempo, protagonizada polas actrices Areta Bolado, Noelia Castro e Ailén Kendelman

Este espectáculo foi multipremiado con galardóns a mellor espectáculo nos Premios María Casares 2018, e tamén mellor dirección, mellor texto orixinal e mellor actriz protagonista nos mesmos premios. Premio Luísa Villalta para iniciativas culturais pola igualdade, entre outros.

La Quintana Teatro – “O Premio”

Día e hora: sábado 9 de outubro, ás 21:00 horas.
Local: Auditorio do Centro Cultural de Muros
Actividade: Teatro – La Quintana Teatro – “O Premio”
Prezo da entrada: 3,50 euros

Programa: Rede Galega de Teatros e Auditorios da AGADIC.

“O Premio” é unha comedia aceda que fala da situación das persoas dentro dun futuro próximo no que o progreso tecnolóxico e a loita cara ao éxito económico, sentimental e social fose tal, que se viron obrigadas a caer en “O Premio” como única fórmula de conseguir a felicidade. “O Premio” é un reallity en directo onde o público vota a quen merece levar o premio da súa vida: “Morrer logrando a fama. Todo por un soño”

Coma todas as montaxes da Quintana Teatro parte da investigación a pé de rúa e constrúese a través da creación colectiva. A compañía sempre está aberta aos estímulos externos co fin de que sirvan de inspiración para a creación de novas formas teatrais. Nesta ocasión os temas para explorar son a muller cosmopolita, a muller tradicional, o home perdido entre medias e á súa vez o prezo da felicidade.

Unha procura colectiva que enriquece o traballo actoral que nesta ocasión será compartido cos personaxes que aparezan na pantalla. A través de vídeos móstrase a vida dos protagonistas, xogando coa súa privacidade, levando ao límite a súa capacidade de exhibición, sacando á luz as súas miserias, os seus vicios e os seus segredos máis ocultos.

É un proxecto diferente e singular, tanto pola temática que aborda, como pola sorprendente posición na que se coloca ao público, xa que deberá votar quen debe gañar: Tres finais distintos en función dos espectadores

O espectáculo foi escrito por Santiago Cortegoso, dirixido por Marián Bañobre e protagonizado por Victoria Teijeiro, Raquel Espada/ Lidia Veiga e Xurxo Cortázar.

As entradas tén que ser reservadas previamente, ben nas oficinas do centro cultural de Muros ou no teléfono 981762294, de luns a venres, de 08:30 a 15:00 horas; e tamén poden solicitarse no correo electrónico cultura@muros.es, ou en Internet por medio do formulario de Google creado para cadansúa.

A concelleira de cultura de Muros, Mayka González, quere agradecer a colaboración da Secretaría Xeral de Política lingüística e da AGADIC, da Xunta de Galicia, e anima a toda a veciñanza  a gozar destes magníficos espectáculos. Aproveitando para anunciar que a videira semana, o sábado 16, a compañía de EducaTeatro, co musical “o Camiño de Santiago”, ás seis da tarde, dará comezo á programación deste outono destinada a público familiar.