“Wombo Combo” de Galeatro
📅 Sábado, 5 de outubro ás 19.00 h
🏟 Auditorio do Centro Cultural e Xuvenil de Muros
👀 Público: + 8 anos
🎫 Entrada: Gratuíta
💻 Reservas: https://forms.gle/4sRjkkHQFiMmM1ms5
ℹ️ A reserva de entradas por adiantado tamén se pode realizar nas oficinas do Centro Cultural e Xuvenil de Muros en horario de 8.00 a 15.00 h
🎭 Sobre “Wombo Combo”:
Wombo Combo reflexiona sobre as vidas virtuais e a soidade na adolescencia. A súa protagonista, Sara, ten a sensación de que podería desaparecer e ninguén se decataría. Ten outra vida na que xoga en liña con ducias de persoas e na que cada vez pasa máis tempo. Deixa de falar, de comer, de durmir… ata que entra nun videoxogo que lle propón retos que debe cumprir na vida real. Paula Carballeira, referente do teatro infantil en galego, é a autora do texto creado para Galeatro.
A peza foi finalista a mellor proposta para público familiar nos Premios María Casares deste 2023 e preséntase a través do programa “Falaredes” da Secretaría Xeral de Política Lingüística da Xunta de Galicia.
