Servizos Sociais

PROGRAMA CAMIÑOS DE COÑECEMENTO E EXPERIENCIA.

É un programa de formación dirixido aos alumnos maiores de 50 anos, con independencia do seu nivel previo, pero con características e demandas de formación reguladas, que cada vez en maior medida esixe a composición demográfica da poboación.

INSCRICIÓN
A inscrición realizarase a través do enlace: https://forms.office.com/e/UMzFfrevHw

PROGRAMA | Folleto

14/04/2025 | 16:30 – 19:30h
Obradoiro: Poda de árbores froiteiras, forestais e ornamentais
D. José Rial Budiño, profesor colaborador do Programa Universitario de Maiores, IV Ciclo da USC

15/04/2025 | 16:30 – 18:00h
Despilfarro alimentario e pegada ambiental dos alimentos
D. Gumersindo Feijoo Costa, Catedrático de Enxeñería e profesor do Programa Universitario para Maiores, IV Ciclo

16/04/2025 | 16:30 – 18:00h
Despilfarro alimentario e pegada ambiental dos alimentos
D. Gumersindo Feijoo Costa, Catedrático de Enxeñería e profesor do Programa Universitario para Maiores, IV Ciclo

21/04/2025 | 16:30 – 18:00h
Alfabetización Audiovisual e Expresión Fílmica
D. Álvaro Dosil Rosende, Profesor do Programa Universitario de Maiores, IV CICLO da USC

22/04/2025 | 16:30 – 18:00h
Alfabetización Audiovisual e Expresión Fílmica
D. Álvaro Dosil Rosende, Profesor do Programa Universitario de Maiores, IV CICLO da USC

Lugar de celebración:
Oficinas de Servizos Sociais
R/ Rosalía de Castro s/n · Teléfono: 981 762 465

---

? O Concello de Muros organiza un novo obradoiro para aprender a facer xestións e usar de forma correcta o teléfono móbil

✅ ‘Expertclick’ é un programa de formación para acercar ás persoas maiores de 55 anos as ferramientas necesarias que lles permitan aproveitar plenamente as vantaxes que brindan as novas tecnoloxías.

⏳ O prazo de inscrición para esta nova actividade remata o 22 de novembro e as sesións serán os días 28 e 29 de novembro

✍️ Para anotarse, hai que chamar a Servizos Sociais do Concello de Muros (981 762 465)

? O número de prazas máximo é de 15 persoas

O obxectivo é aprender a navegar con seguridade e confianza por Internet, utilizar o teléfono móbil ou tablet para comunicarse por videoconferencia, facer xestións co banco, pedir unha cita médica ou comprar online, intentando aumentar a independencia e autonomía persoal das persoas maiores.

‘Expertclick’ é un obradoiro organizado polo Concello de Muros e realizado a través da Fundación Cibervoluntarios e a Fundación AEB da Asociación Española de Banca (AEB), co apoio do Ministerio de Dereitos Sociais e Axenda 2030.

---

O Concello de Muros comeza as actividades do Programa Vida Activa +65 para o curso 2024/2025. A primeira actividade chámase Piscina Activa +65 e consiste en traballar a parte física no medio acuático. 

Esta actividade terá lugar na Piscina Municipal de Muros. Existirán 2 grupos de 25 prazas cada un e será posible elixir entre acudir a actividade os luns ou os xoves en horario de 9:30h a 10:15h.

Terán preferencia as persoas maiores de 65 anos. As persoas que teñan menos de 65 anos estarán nunha lista de agarda e poderán participar na actividade de existir prazas dispoñibles. 

Para inscribirse poden axudir as oficinas de Servizos Sociais ou chamando ao número de teléfono 981 762 465.

---

BASES XERAIS REGULADORAS PARA A PARTICIPACIÓN PARA O CAMPAMENTO MUROS CONCILIA SEMANA SANTA 2024

PRAZO DE SOLICITUDE

1.1. O prazo de solicitude de inscrición nos campamentos establécese do seguinte xeito:

1. Solicitude de inscrición: desde a publicación destas bases na sede electrónica do Concello de Muros ata o 15 de marzo ás 14.00 h.
2. Sorteo: 18 de marzo (en presenza da Secretaría municipal no suposto de que o número de solicitudes supere ao número de prazas dispoñibles).

O sorteo será público e terá lugar no salón de plenos do concello ás 10.00 h da mañá.

1.2. Tipos de solicitude:

• Poderá presentarse unha solicitude individual ou múltiple para o suposto de irmáns/ás.

Como cubrir a solicitude:

• A persoa solicitante será a nai, pai, titor ou titora legal.
• A/as persoa/s participantes serán o/a os/as neno/a nenos/as.
• No caso das solicitudes múltiples, deberanse cubrir os datos de todos os irmáns ou irmás que solicitan a súa participación que serán os participantes.
• A presentación da solicitude implica a aceptación das normas do procedemento.

1.2. Para solicitar a inscrición nos campamentos de Semana Santa deberá cubrir o formulario específico de solicitude, só un formulario por familia, no seguinte enlace:

https://forms.gle/qoquEgJLcJzd97Pz7

1.3. A adxudicación pode ser:

• Directa, no caso de que a demanda non supere o número de prazas dispoñibles.
• Por sorteo, no suposto de que o número de solicitudes supere o número de prazas dispoñibles. O sorteo será por familia. Así mesmo, dará lugar a unha lista de espera.
• Deberase aceptar a praza nun prazo máximo de 24 horas desde a recepción do correo electrónico, coa confirmación da praza, de non ser así será excluído/a.

1.4. Terán prioridade os/as nenos/as empadroados/as no Concello de Muros. No caso de que non se completaran as prazas, estas poderán ser ocupadas por nenos/as non empadroados/as no Concello de Muros.

1.5 No caso de que aparezan solicitudes presentadas por diferentes solicitantes, pero na que parte ou todas as persoas participantes sexan as mesmas, serán anuladas automaticamente.

IDADES E HORARIO

2.1. Idades

• Nenas/os nadas/os nos anos:

2020, 2019, 2018, 2017, 2016, 2015, 2014, 2013, 2012 e 2011

2.2. Número de nenos/as por lugar: 20

2.2. As datas establécense do seguinte xeito:

• 25, 26 e 27 de marzo e 1 de abril de 2024

2.3. Horario:

• Entrada: de 9.00 h a 10.00 h
• Saída: de 13.00 h a 14.00 h

2.4. Lugares:

• Muros: pavillón de Miraflores
• Esteiro: pavillón Xosé Lago

2.5. Información:

• Departamento de Servizos Sociais no número de teléfono 981 762 465
• Centro Cultural e Xuvenil de Muros 981 762 294

BASES CONCILIA SEMANA SANTA 2024

---

O Concello de Muros lanza a primeira actividade deste 2024 que se enmarca dentro do Programa de vida activa. A actividade chámase Piscina Activa +65 e consiste en diversas accións que se realizaran na Piscina Municipal de Muros en horario de 9:30h á 10:15h. As actividades serán o luns e/ou xoves en función das persoas que se anoten. 

Terán preferencia as persoas maiores de 65 anos. As persoas que teñan menos de 65 anos estarán nunha lista de agarda e poderán participar na actividade de existir prazas dispoñibles. 

Para inscribirse poden facelo cubrindo o seguinte formulario ou chamando o 981 762 465.

https://forms.gle/mfVEZ4Ma9QayijbP6

---

Campamentos Muros Concilia Nadal 2023/24

 Prazo de inscrición: Do 1 ao 13 de decembro

 Inscrición: https://buff.ly/3QWjJAa

 Bases: https://buff.ly/3RknaCa

---