Cultura

O Concello de Muros coa colaboración da Deputación da Coruña e do Grupo de Estudos Territoriais da Facultade de Socioloxía da UDC, vai realizar a “I Semana da Historia de Muros”, unha novidosa iniciativa que se celebrará entre o 10 e o 13 de setembro e que busca poñer en valor a historia da vila dende a súa creación para así poder mirar cara ao seu futuro.

Así, do 10 ao 13 de setembro a Fábrica de Sel será escenario dun encontro entre expertos en diversas disciplinas abordarán aspectos clave da historia e do patrimonio local nunha serie de relatorios e debates que culminarán cun concerto de clausura.

PROGRAMA | CARTEL

MARTES, 10 DE SETEMBRO 20:00H

• Acto institucional de presentación das xornadas
• A historia de Muros a través do Arquivo Municipal
  • María Mayo, Licenciada en Historia da Arte (USC)
  • Pepa Fernández Fernández, Licenciada en Historia (USC)

MÉRCORES, 11 DE SETEMBRO 20:00H

• A vila medieval de Muros: claves para interpretar unha paisaxe urbana de séculos
  • Pedro García Vidal, Doutor en Xeografía Humana (USC)

XOVES, 12 DE SETEMBRO 20:00H

• Arquitectura do ocio en Muros: Teatro Mercedes, Cine París e Cine Avenida
  • Margarita Novo Malvárez, Doutora en Historia da Arte (UIB)

VENRES, 13 DE SETEMBRO 20:00H

• Retrospectiva e Prospectiva: Un Debate entre A Historia e o Futuro de Muros
  • Modera: Iria Caamaño Franco, Doutora en Turismo (UDC)
  • Isidro Dubert García, Catedrático en Historia Moderna (USC)
  • Alfonso Blanco Quintela, Licenciado en Filoloxía (USC)
• Cine París en Concerto: Melodías dunha Época
  • (Escola Municipal de Música de Muros)
• Clausura institucional

---

Normativa do servizo municipal de madrugadores para o curso 2024/2025

Prazo de preinscrición: Do 12 ao 30 de agosto

Madrugadores Concello de Muros é un programa de conciliación que se vai desenvolver nas instalacións do CEIP Plurilingüe de Louro, CEIP Ramón de Artaza y Malvárez e CEIP Plurilingüe Ricardo Tobío durante o curso escolar 2024/2025. O obxectivo fundamental é favorecer a conciliación da vida laboral e familiar das familias que o precisen durante o período escolar e antes do inicio do horario lectivo, sempre que teñan fillos/as escolarizados/as nestes centros de ensino.

Formulario de solicitude (On Line): https://forms.gle/NCEABvNahPjjimEn7

• BASES-SERVIZO-MADRUGADORES
• FORMULARIO DE INSCRICIÓN NO SERVIZO DE MADRUGADORES (PRESENCIAL)

---

“Made in Galiza” de Sarabela Teatro

📅 Sábado, 11 de maio ás 20.30 h
🏟 Auditorio do Centro Cultural e Xuvenil de Muros
👀 Público: + 14 anos
🎭 Clasificación: Comedia
🎫 Entrada: 3,50 €
💻 Reservas: Formulario

ℹ️ A compra de entradas por adiantado tamén se pode realizar nas oficinas do Centro Cultural e Xuvenil de Muros en horario de 8.00 a 15.00 h

🎭 Sobre “Made in Galiza”:
Como quen se deixa roubar o seu tesouro máis prezado, a actitude das galegas e dos galegos respecto á súa lingua non “resistiría” ningunha análise. E será que o galego é a lingua máis difícil do mundo? E será que deberemos constituír unha oficina de palabras perdidas? Palabras perdidas, roubadas… Fronte ao “es que no me sale”, “es que no se me da” Made in Galiza é un convite á República Independente da túa lingua. Non a imos perder nin en soños porque co galego imos “ao fin do mundo” e quen o proba o sabe!
A obra escrita por Séchu Sende no ano 2007 foi elixida como Libro do Ano no 2017, e xira ao redor dun tema que ten tanto que ver con nós como sociedade, que está nos alicerces da
nosa cultura (foi Castelao quen dixo: “se aínda somos galegos é por obra e graza do idioma”).

👥 Elenco artístico:
Fernando Dacosta, Elena Seijo, Josito Porto e Sabela Gago

---

Neste mes, o Concello de Muros vai celebrar o Mes das Letras en homenaxe á escritora Luísa Villalta, figura destacada polo Día das Letras Galegas.

Entre as actividades programadas, destaca a Mostra de Teatro “Xosé Agrelo”, na que participarán todos os grupos de teatro afeccionado municipais coma os grupos de teatro de Outes e de Cacheiras. Ademais, haberá actividades dirixidas a todos os niveis dos centros educativos municipais, así como ás entidades Adisbismur e Asociación Misela.

O 17 de maio terá lugar o acto e a ofrenda en honra a Xosé Agrelo en Esteiro, evento no que o Concello de Muros participará institucionalmente por primeira vez.

PROGRAMA
(descargar)

MOSTRA DE TEATRO “XOSÉ AGRELO”

DÍA DAS LETRAS GALEGAS | VENRES, 17 DE MAIO

---

Apertura de solicitudes de participación no mercado mariñeiro das XIX Xornadas de Cultura Mariñeira “Muros Mira ao Mar” para aqueles postos (empresas/autónomos) que NON TEÑEN a súa sede no Concello de Muros.

  Bases e inscricións: https://buff.ly/43YB7dP

  Prazo: Ata o 9 de maio

  Teléfono de contacto: 981 582 836 (Culturactiva)

---

O Concello de Muros vai celebrar por primeira vez o Día do Circo e quere facelo con todas/os vós. O espectáculo chega da man da compañía PistaCatro, galardoada co premio de Cultura de Galicia na modalidade de artes escénicas.

Qué é Petit Cabaré? Pois un produto para gourmets, a flor e nata, a crême de la crême. Goce os sketchs máis deliciosos, as maiores proezas condensadas, unha compilación de éxitos por parte de PistaCatro, the very best of, unha verdadeira antoloxía dos mellores momentos de tres artistas reunidos nun só volume.

Petit Cabaré trátase dun espectáculo multidisciplinar e variado a cargo de tres intérpretes que darán o mellor de si en pequenas pezas de cinco ou dez minutos. Todo isto conducido por un mestre de cerimonias, que se encargará de fomentar a participación do público, de achegar o ton cómico e de administrar as pequenas doses de arte concentrado.

PistaCatro “Petit Cabaré” – Día do circo

| Sábado, 20 de abril ás 18.00 h
| Auditorio do Centro Cultural e Xuvenil de Muros
|  Público: A partir de 4 anos
| Clasificación: Circo
| Entrada: 3,50 €

| Reserva de entradas: https://forms.gle/fWT5k6eUbePvswMJ6

---

ANUNCIO

Todos aqueles establecementos (autónomos ou empresas) interesados en contar cun posto para ofertar os seus produtos no Mercado Mariñeiro Tradicional “Muros Mira ao Mar”, deberán solicitalo segundo o modelo achegado.

O prazo para a presentación de solicitudes de “posto” será do 10 ao 24 de abril. As solicitudes deberán ser entregadas no Rexistro de entrada do concello de Muros ou presentadas na sede electrónica do concello, sede.muros.gal coa seguinte documentación:

• Planos e descrición detallada do establecemento/posto (decoración, cartelaría, produtos…)
• Planos da localización establecemento/posto (dimensións, localización nun plano, coordenadas…)
• Último recibo de pago de traballo autónomo (no caso de autónomos) ou último recibo de pago da seguridade social da empresa (no caso de empresas)

Insistimos na importancia de que durante os días das XIX Xornadas de Cultura Mariñeira “Muros Mira ao Mar” todos os establecementos da vila de Muros manteñan unha estética respectuosa coa celebración.

A alcaldesa do Concello de Muros

---