O Auditorio do Centro Cultural e Xuvenil de Muros acollerá o sábado 14 de marzo o espectáculo A penúltima, do humorista galego Carlos Blanco, unha das figuras máis recoñecidas da comedia en Galicia.
Debido á gran demanda do público, a concellería de Cultura programará unha segunda función o mesmo día ás 22:30 horas, permitindo que máis persoas poidan asistir ao espectáculo.
A concelleira de Cultura, Caridad González Cerviño, destacou que “debido á gran demanda e escoitando á veciñanza decidimos programar un novo pase, para que máis persoas teñan a oportunidade de gozar do espectáculo de Carlos Blanco en Muros”.
En A penúltima, Carlos Blanco presenta un monólogo no que mestura historias novas con outras xa coñecidas do seu repertorio, sempre coa retranca e o humor que o caracterizan. Un espectáculo directo e próximo ao público no que, durante uns 70 minutos, as risas están garantidas.
Venda de entradas
As entradas para esta nova función poñeranse á venda o venres 6 de marzo ás 9:00 horas.
Venda presencial
- Oficinas do Centro Cultural e Xuvenil de Muros
- 80 entradas dispoñibles
- Máximo 3 entradas por persoa
- Prezo: 5 €
- Pagamento en efectivo ou tarxeta
Venda por internet
- Billeteira electrónica do Concello de Muros | https://kinetike.com:83/views/init.aspx?cine=MUROS
- 80 entradas dispoñibles
- Máximo 3 entradas por persoa
- Prezo: 5 €
Non se aceptan reservas nin devolucións. A organización resérvase o dereito a modificar estas condicións por causa xustificada.
