O Concello de Muros vén de convocar as bolsas para deportistas do municipio correspondentes ao ano 2026.
O obxectivo desta liña de axudas é apoiar a práctica e o rendemento deportivo, contribuíndo ao perfeccionamento técnico dos deportistas e facilitando a súa participación en competicións e eventos deportivos oficiais.
Poderán solicitar estas bolsas os deportistas individuais residentes no Concello de Muros que practiquen deportes olímpicos ou disciplinas recoñecidas polo Comité Olímpico Internacional e que cumpran os requisitos establecidos nas bases reguladoras.
A contía máxima da bolsa será de 500 euros por deportista.
O prazo de presentación das solicitudes permanecerá aberto do 11/06/2026 ao 11/07/2026, ambos os dous incluídos. As solicitudes deberán presentarse de xeito telemático a través da sede electrónica do Concello de Muros.
Para máis información e acceso á documentación da convocatoria, as persoas interesadas poden consultar a sede electrónica e a páxina web do Concello de Muros.
Bases xerais
Convocatoria
Formularios