TEATRO E MÚSICA | Sábado 28, 20.30 h – Teatro do Noroeste “As Virxes Salvaxes” | Domingo 29, 18.00 h – Música e Danza – Xacarandaina

TEATRO DO NOROESTE “AS VIRXES SALVAXES”

Día e hora: sábado 28 de novembro ás 20.30 h
Local: Auditorio do Centro Cultural e Xuvenil de Muros
Actividade: Teatro do Noroeste – “As virxes salvaxes”
Entrada: 3,50 €, reserva previa obrigatoria.

Programa: Rede Galega de Teatros e Auditorios da AGADIC

Autor e director: Eduardo Alonso.
Reparto: Elina Luaces, Luma Gómez, Rosa Álvarez, Inma Antonio, Ana Santos, Manuela Varela, Miguel Pernas e Fernando González.

As virxes salvaxes é unha comedia sobre a absurda pero necesaria situación de recluír aos nosos maiores en institucións que os atendan e coiden. Non sempre foi así. Nas culturas rurais, os maiores tiveron sempre unha función, unha ocupación que daba sentido as súas vidas ate o final. Máis chegaron as présas e os apuros da cultura urbana e nela, os maiores non teñen cabida, son un estorbo, é preciso desfacerse deles amoreándoos en institucións concibidas para iso. Nunha destas institucións, varias internas realizan, mesmo sen sabelo nin pretendelo, a súa propia revolución. Aproveitando a entrada dunha nova interna que é levada alí pola súa filla que non pode atendela, varias internas comezan a cuestionar a institución non deixando nada en pé. A xeito de metáfora da propia sociedade, as xentes de ben revélanse contra as imposicións absurdas e desmedidas. O caos que xeran pón a realidade contra as súas propias contradicións, creando situacións tremendamente divertidas.

MÚSICA E DANZA – XACARANDAINA

Día e hora: domingo 29 de novembro ás 18.00 h
Local: Auditorio do Centro Cultural e Xuvenil de Muros
Actividade: Música e danza – XACARANDAINA
Entrada: de balde, reserva previa obrigatoria.

Programa: “Fondo de proxectos culturais Xacobeo 2021” da Secretaría Xeral de Política Lingüística da Xunta de Galicia.

O Grupo de Música e Baile Tradicional Xacarandaina nace no ano 1978. É un gran referente da cultura do noso país pola súa labor histórica na recuperación do noso patrimonio cultural, sendo o máximo expoñente dos ideais de conservación, divulgación e dignificación do folclore de Galicia e querendo situalo no lugar que lle corresponde dentro das artes escénicas.

O Grupo ten como obxectivo a investigación do folclore galego, e para iso desprázase polas distintas aldeas e poboacións do país, facendo un importantísimo traballo de campo, recuperando músicas, bailes, danzas, cancións, instrumentos e traxes autóctonos. Froito deste labor o grupo ten recollidos e montados arredor de 150 bailes e outras tantas pezas de música, O domingo amosará en Muros unha escolma deste traballo.

Xacarandaina ten representado por toda Galicia numerosos espectáculos etnográficos que foron louvados pola crítica, o público e os medios de comunicación pola súa orixinalidade, calidade e rigorosidade escénica. Estes espectáculos ofrecen unha coidada escenografía e unha gran riqueza de vestiario de toda a xeografía galega e pretenden ser unha mostra do noso folclore que abrangue tódolos seus aspectos.

As entradas serán reservadas previamente nas oficinas do centro cultural e xuvenil de Muros, no teléfono 981 762 294 ou no correo electrónico cultura@muros.es, de luns a venres, de 8.30 a 15.00 h


Utilizamos cookies propias e de terceiros para obter datos estatísticos da navegación dos nosos usuarios e mellorar os nosos servizos. Se acepta ou continúa navegando, consideramos que acepta o seu uso. Pode cambiar a configuración ou obter máis información

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close