O Concello de Muros vén de rematar as obras correspondentes ao proxecto «Mellora e acondicionamento do punto limpo existente de Muros», destinadas a mellorar e acondicionar estas instalacións para favorecer a correcta xestión dos residuos de competencia municipal.
Esta actuación foi posible grazas á subvención concedida pola Consellería de Medio Ambiente e Cambio Climático, ao abeiro do procedemento MT975X – Axudas a entidades locais galegas para o financiamento de actuacións en materia de residuos de competencia municipal, no marco do Programa FEDER Galicia 2021-2027.
