Sábado, 16 de setembro, ás 18 horas, na sala de exposicións da Fábrica de Sel en Muros iniciarase a exposición colectiva de pintura e fotografía, participan: Rosario Puente Vázquez, María José Puente Vázquez, María del Carmen Valverde, Melania Gómez Barral, Julia San Martín del Barrio, Dolores Mato Gómez, Francisco Hervella Rodríguez e Salvador Galbán Dios.
Son artistas plásticos con estilo e técnica libres, a súa formación académica é variada, sendo algún dos artistas do grupo licenciado en Belas Artes e outros autodidactas que adquiriron coñecementos a través de talleres e academias. Posuíndo tamén, algún deles, un nutrido palmarés de premios en mostras e concursos de pintura, o que supón o recoñecemento á calidade da obra.
A exposición conta cunha nutrida representación da obra das artistas, acuarelas, óleos, debuxo, traballos en técnica mixta, e fotografía, na obra que se presenta aparecen motivos variados, aínda que predominan os motivos paisaxísticos, mariñeiros e urbanos de Galicia. A exposición manterase aberta ao público durante o período comprendido entre o 16 de setembro e o 14 de outubro de 2023.
