Cultura

Programa de actividades de animación e contacontos no Concello de Muros para este Nadal.

DECEMBRO | MUROS

Venres, 3 ás 18.00 h | Sábado, 4 ás 11.30 h no Mercado, Obradoiro de decoración de galletas (Nen@s)

Venres, 3 e Sábado, 4 ás 15.30 h no Mercado, Obradoiro de coroas de Nadal (adult@s)

Sábado, 4 ás 21.00 h no Auditorio Por Xela

Venres, 10 ás 18.00 h | Sábado 11 ás 11.30 h no Mercado, Obradoiro Fagamos adornos de Nadal (Nen@s)

Sábado 11 ás 21.00 h no Auditorio, Tres vellas (polo menos) de Producións Teatrais Excéntricas

Venres, 17 ás 18.00 h no Mercado, “Conto de Nadal” de Tarabelos – RESERVA no seguinte enlace: https://forms.gle/pY1cGP9hbo9gxZEV8

Venres, 17 ás 20.00 h no Auditorio, Que fermoso é o Nadal! de Aquelando Teatro – RESERVA no seguinte enlace: https://forms.gle/VCVkWMCvnDQAwdwU6

Sábado, 18 ás 11.30 h no Mercado, Obradoiro Mandemos postais!!! – RESERVA no seguinte enlace: https://forms.gle/biskqtFj89AfRaGy8

Sábado, 18 ás 18.00 h Teatro O Cubo GHOP! – RESERVA no seguinte enlace: https://forms.gle/iW7Z16hMxGyUpSrd7

Xoves, 30 ás 18.00 h no Auditorio, Xanpatito Pato de Só RESERVA no seguinte enlace: https://forms.gle/zvyPt6mxHbV8QLY69

DECEMBRO | ESTEIRO

Venres, 1 ás 17.30 h na axencia de lectura, Obradoiro de decoración de galletas (Nen@s)

Venres, 10 ás 18.00 h na axencia de lectura, Un ratiño descubre o Nadal de Donde viven los cuentos

Mércores, 15 ás 17.30 h na axencia de lectura, Vén a Conto con Raquel Queizás

Venres, 17 ás 17.30 h na axencia de lectura, Obradoiro Fagamos adornos de Nadal

XANEIRO

Luns, 3 ás 18.00 h no Auditorio, Pakolas – RESERVA no seguinte enlace: https://forms.gle/W5xDDHHWKQkVP3xg7

Martes, 4 ás 18.00 h no Mercado, Cantos de Reis con Xandobela – RESERVA no seguinte enlace: https://forms.gle/hryRwcKfQ3voLcDZ9

Mércores, 5 | Cabalgata de Reis

Venres, 7 ás 18.00 h no Auditorio, Contos de Nadal con Teatro Calavera

Reserva obrigada no 981762294
Respecto absoluto ás medidas sanitarias: uso de máscara, distancia social…

---

O CENTRO CULTURAL DE MUROS ACOLLE DOUS ESPECTÁCULOS DESTINADOS A PÚBLICO FAMILIAR ESTA FIN DE SEMANA

O centro cultural e xuvenil de Muros continúa coa programación, e a vindeira fin de semana presenta  dous espectáculos destinados a público familiar, “Contos para caghar patatillas”, de Brais das Hortas e  “Quixote” de Pedras de Cartón

Día e hora: venres 12 de novembro, 18:00 h
Local: Auditorio do Centro Cultural e xuvenil de Muros
Actividade: Contacontos – Brais das Hortas – ““Contos para caghar patatillas”
Público preferente: Familiar/infantil.
Prezo da entrada: de balde

Ao día seguinte chega a Muros, “Quixote”

Día e hora: sábado 13 de novembro, 18:00 h
Local: Auditorio do Centro Cultural e xuvenil de Muros
Actividade: Teatro – Pedras de Cartón – “Quixote”
Público preferente: Familiar/infantil.
Prezo da entrada: 2,50 €
Ciclo: Rede Galega de Teatros e Auditorios da AGADIC
Espectáculo Premiado no Certame Barroco Infantil do Festival Internacional de Teatro Clásico de Almagro 2021

Quixote é o segundo espectáculo de Pedras de Cartón. Nesta ocasión afrontan o texto de Cervantes, un dos máis coñecidos da literatura española, en clave de comedia. Cunha estética inspirada no paiaso clásico (moi ao estilo Fellini), e en clave de clown, afrontan as escenas máis icónicas desta novela, da relación antagónica entre Quixote e o seu escudeiro Sancho. 

O velocípedo no que vai montado Quixote será Rocinante, e o triciclo no que irá montado Sancho será o seu peculiar Rucio, o burro de Sancho Panza.

Os artistas que dan vida a Quixote e Sancho son Juan Rodríguez e Pablo Sánchez

As entradas deben de ser reservadas previamente nas oficinas do centro cultural de Muros, ou no teléfono 981762294, no correo electrónico cultura@muros.es, ou no seguinte formulario .

A concelleira de cultura de Muros, Mayka González, agarda que poidamos gozar dunhas excelentes tardes en familia, con estas propostas, que conxugan narración, música e diversos elementos teatrais, en especial o clown. Diversión asegurada.

O concello de Muros segue coa programación do Centro Cultural e Xuvenil de Muros, co espectáculo, “Bailar Agora”, da compañía Marta Alonso Tejada. TrasPediante, que nos introduce en novembro, mes da música.

Día e hora: sábado 6 de novembro, ás 21:00 horas.
Local: Auditorio do Centro Cultural de Muros
Actividade: Danza – Marta Alonso Tejada. Cía. Traspediante – “Bailar Agora”
Prezo da entrada: 3,50 euros

Programa: Rede Galega de Teatros e Auditorios da AGADIC.

Creación de Marta Alonso Tejada, Victoria P. Miranda e Pablo Reboleiro Rama. Dirección e Interpretación de Marta Alonso Tejada coa asistencia de movemento  de Sergio Perol. Unha coprodución de Marta Alonso Tejada co Centro Coreográfico Galego, Agadic, Xunta de Galicia.

“Bailar Agora” é unha sorte de imperativo cara unha posición  no presente social e persoal a través da danza. Un impulso por situarnos no tempo actual, no afecto e na emoción que estamos a compartir aquí e agora bailando.

“Bailar Agora é un espectáculo no que o ímpeto dos seus movementos carga as pilas. Conta a relación dunha bailarina coa danza agora, pero tamén a xenealoxía desa relación, as súas primeiras lembranzas cando era nena e cantaba e bailaba coa súa nai. O relato de Marta Alonso Tejada é unha historia da danza, que transita desde as orixes, ata os anos de academias e cursos incontables de ballet clásico. Os gags cómicos, cun punto circense e a simpatía que desprende Marta, o poderío da danza, cando o espazo lumínico e sonoro tamén danzan, sumado a esa asunción de liberdade de quen baila agora, contribúen a facer de Bailar agora un espectáculo reconfortante que xa acadou no presente ano tres premios María Casares, ademais dos recoñecementos da MIT de Ribadavia e o premio Dorotea Bárcena outorgado por FETEGA

Marta Alonso Tejada traballa no sector artístico desde o 2008, cando funda a compañía trasPediante. Desde o 2010 crea e co dirixe o Festival de danza e artes do corpo, corpo(a)terra. A súa traxectoria como creadora e intérprete é multidisciplinar e a súa actividade artística traza desde o inicio unha ida e unha volta constante cara á danza e ao movemento que no camiño se achega ao teatro físico, á interpretación e ao circo. A danza, o humor, e a proximidade co público xeran nas súas creacións unha atmosfera particular do cotiá, do natural, do común e do esperanzador que se comparte na escena.

As entradas deben de ser reservadas previamente, ben nas oficinas do centro cultural de Muros ou no teléfono 981762294, de martes a venres, de 08:30 a 15:00 horas; e tamén poden solicitarse no correo electrónico cultura@muros.es, ou en Internet por medio do formulario de Google creado para a ocasión.

A concelleira de cultura de Muros, Mayka González, anima a toda a veciñanza  a pasar un excelente serán con este magnífico espectáculo, programado para público adulto e apto para tódolos públicos, co que o Concello de Muros quere contribuír á conmemoración de Santa Cecilia, patroa da música.

O concello de Muros segue coa intensa programación teatral deste mes de outubro, no Centro Cultural e Xuvenil de Muros, co espectáculo, “Feminíssimas”, da compañía De Ste Xeito, coincidindo coa efeméride da Muller Rural.

Día e hora: sábado 23 de outubro, ás 21:00 horas.
Local: Auditorio do Centro Cultural de Muros
Actividade: Teatro – De Ste Xeito – “Feminíssimas”
Prezo da entrada: 3,50 euros

Programa: Rede Galega de Teatros e Auditorios da AGADIC.

Obra de teatro cómico.

Creación colectiva coa amizade como fondo e o feminismo como forma.

Un Congreso Feminista na cidade de Vigo.
Tres amigas da adolescencia que fai anos que non se ven.

Tres amigas que teñen tres maneiras distintas de entender o “feminismo”…: feminismo radical, feminismo liberal e teoría queer.

Este é o punto de partida desta creación de Esther F: Carrodeguas, Noelia Blanco, Stephy Llaryora e Xavier Castiñeira. Unha peza teatral con altas doses de humor, ironía e complicidade para poñer a amizade a proba e mentres analizamos -dende a comedia- de que maneira as mulleres estamos a con-vivir neste novo mundo feminista no que nos atopamos mergulladas. Unha maneira –tamén– de rirnos de nós mesmas, das nosas propias incongurencias e sobre todo do espazo que separa a teoría pura da práctica diaria. Un espazo para reflexionar sobre a amizade e a súa complexa relación coa ideoloxía.

En resumo: unha comedia negra… violeta.

A concelleira de cultura de Muros, Mayka González, anima a toda a veciñanza  a gozar deste magnífico espectáculo que nos axuda a reflexionar sobre a amizade, a muller, as diferentes feminidades e as nosas posturas fronte á vida.

RESERVAS:

As entradas ten que ser reservadas previamente, ben nas oficinas do centro cultural de Muros, no teléfono 981 762 294, de luns a venres, de 8.30 a 15.00 h, por correo electrónico no seguinte enderezo: cultura@muros.es, ou a través do seguinte formulario: http://ow.ly/cbSx50GsZ0C

EducaTeatro Producións, creadora tamén dos exitosos musicais ‘Carapuchiña Vermella’, “Os tres porquiños” e “O mundo máxico de Pinocho”, cos que xa estiveron en outras tempadas neste mesmo espazo, achégase de novo a deleitarnos con ‘O Camiño de Santiago”, o sábado, 16 de outubro, ás 18:00 h. Un musical infantil, destinado a público familiar co que o Concello de Muros quixo comezar a tempada de teatro familiar do Centro cultural.

O camiño de Santiago é a historia de Santiago e Mariña, dous irmáns que non xogan xuntos, pero que aprenderán a facelo.

Como cada noite, Santiago emprende o seu camiño acompañado de Blanco, o seu cabalo inseparable. O que non agarda é que hoxe se atope no seu soño con Mariña e a súa gatiña Lupe. Vivirán aventuras e cantarán cancións para chegar ao Castelo Máxico (a Catedral de Santiago) e encontrar o tesouro agochado.

Nesta viaxe, as personaxes dos seus contos cobrarán vida. Cando remata a súa aventura e a viaxe finaliza, os irmáns espertan, á mañá seguinte, cambiados, unidos e  xuntos.

Para EducaTeatro Producións, creada a finais de 2013, a música, a lingua, a diversión e a participación do público, son os piares fundamentais dos seus traballos, cos que buscan fomentar a educación en valores.

Neste espectáculo, interpretado por Paulo Medal e Almudena Zurita, é de destacar o percorrido polas historias e as cancións míticas de EducaTeatro

A función está incluído na programación da Rede Galega de Teatros e Auditorios e o prezo das entradas é de 2,50 €, que se recomenda reservar por anticipado nas oficinas do centro cultural de Muros, ou no teléfono 981762294, de luns a venres, de 8:30 a 15:00 h, ou ben por Internet no formulario creado para este fin.

A concelleira de cultura de Muros, Mayka González, anima a todo o público familiar de Muros a que se achegue a gozar con este espectáculo, agora que xa se ampliaron os aforos, sinalando que se elixiu esta temática para abrir a programación familiar debido a que por primeira vez foi recoñecido o Camiño Muros-Compostela e toda a comunidade escolar está tratando este tema nos seus respectivos centros.

---

BASES DOS OBRADOIROS CULTURAIS:

1. Datos xerais

1.1.- Os OBRADOIROS CULTURAIS nos que poden preinscribirse as persoas interesadas para o curso 2021/22 son os seguintes:

OBRADOIROS CULTURAIS – CURSO 2021/22

– Esteiro: Arte floral, Bordado, Encaixe de agulla e Traballos manuais.

– Tal: Bordado, Encaixe de agulla e Traballos manuais

– Abelleira: Bordado, Encaixe de agulla e Traballos manuais.

– Torea: Traballos manuais.

– Serres: Bordado, Encaixe de agulla e Traballos manuais

– Muros: Arte floral, Bordado, Cociña, Costura, Encaixe de agulla, Fotografía, Teatro e Traballos manuais.

– Louro: Bordado, Encaixe de agulla e Traballos manuais

1.2.- Se existira moita demanda para participar nalgún obradoiro que non aparece na relación, estudarase a posibilidade de que este se constituía, na localidade na que se produza a demanda.

1.3.- As idades esixidas para participar nas actividades son:

ACTIVIDADE IDADE

Teatro nados/as no ano 2014 ou anteriores

Traballos manuais nados/as no ano 2009 ou anteriores

Arte floral, bordado, cociña, costura, fotografía e encaixe con agulla, nados/as no ano 2007 ou anteriores

2. Preinscrición (do 22 de setembro ao 5 de outubro)

2.1.- Ábrese o prazo de preinscrición do 22 de setembro ao 5 de outubro.

2.2.- Esta preinscrición formalizarase nas oficinas do Centro Cultural e Xuvenil de Muros, ou por medio do formulario Google Forms previsto para esta actividade,

Na preinscrición os/as interesados/as comprometeranse a asistir ás modalidades que prefiran e na localidade que indiquen, sempre que se poida constituír grupo.

2.3.- Constituiranse tan só os grupos de traballo que acaden unha preinscrición mínima de 10 persoas.

2.4.- Ás persoas preinscritas nas actividades que non poidan ser impartidas daráselles a opción de elixir outro grupo ou actividade.

2.5.- Os obradoiros culturais definitivamente constituídos, e os seus horarios, faranse públicos o día 8 de outubro.

3. Matrícula (do 11 ao 13 de outubro)

3.1.- Para formalizar a matrícula, as persoas preinscritas deberán consultar no Centro Cultural e Xuvenil de Muros, ou ben no teléfono 981 762294, ou por medio da páxina web do concello, a constitución dos grupos e o seu horario, e despois ingresar no nº de conta que se lle indique, unha cota de 25,00 €, do día 11 ao 13 de outubro, incluídos, que lle dará dereito a participar no obradoiro que elixira, durante a tempada.

3.2.- Se despois de formalizar a matrícula algunha persoa non puidera asistir ás clases, non terá dereito á devolución da cota nin á substitución directa por outra persoa.

3.3.- Non se poderá mudar de actividade despois de comezadas estas.

4. Prazas libres (do 18 ao 30 de outubro)

4.1.- Nos grupos que queden prazas libres poderán matricularse outras persoas do 18 ao 30 de outubro no Centro Cultural e Xuvenil de Muros.

5. Comezo das actividades

5.1.- As actividades darán comezo a partir do luns 18 de outubro.

6. Outras Condicións

6.1.- O número de persoas por grupo, duración das actividades, etc estarán suxeitas as medidas sanitarias vixentes en todo momento.

---

FORMULARIO DE INSCRICIÓN (Google Forms)

---

TCHYMINIGAGUA.
MUROS | CURRO DA PRAZA.
SÁBADO, 21 DE AGOSTO, 21:00 H.

Obrigado respecto ás normas sanitarias: distancia social, uso de máscara…

” Tchyminigagua desenvolven unha linguaxe teatral, acrobática e circense propia que inclúe a técnica, patentada a nivel mundial, dos zancos en patíns.”

Fundada en 1985 en Bogotá (Colombia), a Fundación Teatral Tchyminigagua persegue “traballo, coñecemento e identidade”, elaborando unha linguaxe teatral “para vivir e compartir unha misión cultural, social e política”. Un equipo humano estable formado no seo do grupo encárgase de producir as súas creacións, integrando profesionais da escritura, a dirección, a interpretación, as acrobacias, a danza ou a música que fortalecen a técnica teatral Tchyminigagua: “Forza, ritmo e enerxía, unha linguaxe acrobática, teatral e circense propia”. A súa labor artística e o seu traballo pola memoria dende o compromiso político fíxolles gañar o recoñecemento internacional, celebrando a súa dramaturxia, música, colorido ou maquillaxes e a súasúa invención, patentada a nivel mundial, dos zancos en patíns. Cultura popular de trasformación social.

ACTIVIDADES | Se a situación epidemiolóxica o permite a partir do 10 de agosto retomarase a programación cultural municipal coas seguintes actividades:

📆 10/08/2021 | 22.00 h
Cine: El Rey León
O Artón, Esteiro

📆 11/08/2021 | 22.00 h
Cine: Maléfica
San Francisco, Louro

📆 12/08/2021 | 20.00 h
Danza: Armadanzas
Praza do Mercado, Muros

📆 13/08/2021 | 21.00 h
Música: Banda Ateneo da Pobra do Caramiñal
Praza do Mercado, Muros

📆 14/08/2021 | 21.30 h
Pasacalles teatral: A muller, os oficios do mar e a repercusión no Camiño.
Muros

📆 24/08/2021 | 20.00 h
Circo: SU.MA “Ikigai”
Parque do Varadoiro, Muros

📆 25/08/2021 | 21.30 h
Cine: A galiña turuleca
San Francisco, Louro

📆 26/08/2021 | 21.30 h
Cine: O que arde
O Artón, Esteiro

INFORMACIÓN E RESERVAS: 981 762 294 ou nas oficinas do Centro Cultural e Xuvenil de Muros

---