Cultura

Aibō é a ópera prima da Compañía Eléctrica, unha peza teatral para público infantil e familiar con Iria Pinheiro e Areta Bolado (A Panadaría) en escena. 

Día e hora: sábado 30 de abril, 18:00 h.
Local: Auditorio do Centro Cultural de Muros
Actividade: Teatro – Compañía Eléctrica – “Aibô”
Programa: Rede Galega de Teatros e Auditorios da AGADIC

Aibō significa compañeir@ en xaponés, esta é a palabra que mellor se axusta para definir unha fábula inspirada na Carapuchiña Vermella. Trátase dunha visión diferente do conto popular que pretende dar unha ollada positiva sobre a nosa relación coa natureza e tamén sobre o trato que temos con outros seres diferentes a nós. Unha celebración da diversidade.

Aínda que a Compañía é de nova creación o elenco está formado por expertas e versátiles actrices, Areta Bolato e Iria Pinheiro; a autora é tamén Iria Pinheiro e a música é de Paulo Pascual (Modulador de Ondas)

O espectáculo está incluído na Rede Galega de Teatros e Auditorios da AGADIC. As entradas, con un prezo de 2,50 €, deben de ser reservadas nas oficinas do centro cultural, no teléfono 981762294, no correo cultura@muros.es ou no formulario creado para este fin.

A concelleira de cultura, Mayka González, anima a todo o público familiar da veciñanza a reservar a súa entrada, segura de que gozarán deste magnífico espectáculo, e aproveita para animar así mesmo a participar no contacontos que terá lugar o día anterior, venres 29, tamén ás 18:00 na Biblioteca de Muros, “contos da pota”, e ao público en xeral a participar na pequena mostra de teatro amador e escolar “MOSTRA DE TEATRO XOSÉ AGRELO”, que se retoma despois de dous anos de interrupción e se alongará ate o 21 de maio, mais nesta edición aínda non se realizarán espectáculos de e para escolares de infantil e primaria, aínda así poderemos gozar dos espectáculos en cartel dos grupos de teatro amador do municipio e unha pequena mostra de grupos do resto de Galicia.

O sábado 23 de abril, ás 21:00 h, chega ao Auditorio do Centro Cultural de Muros a compañía Talía Teatro, co seu espectáculo, “Morte accidental dun anarquista”.

Día e hora: sábado 23 de abril, 21:00 h
Local: Auditorio do Centro Cultural de Muros
Actividade: Teatro – Talía Teatro – “Morte accidental dun anarquista”
Programa: Rede Galega de Teatros e Auditorios da AGADIC

Un espectáculo do que é autor Dario Fo, dirixido por  Cándido Pazó e que conta no seu elenco con  Toño Casais, Dani Trillo, Xurxo Barcala, Rubén Prieto, Artur Trillo, Diego Rey e Marta Ríos.

Milán, 1969. Un anarquista falece tras caer pola ventá dunha comisaría na que está sendo interrogado pola policía. En plena investigación xudicial dos feitos, a aparición en dita comisaría dun “tolo” que se fai pasar por diferentes personaxes logrará darlle a volta ás indagacións e descubrir a verdade.

A día de hoxe podemos considerar que Darío Fo é xa un clásico teatral dos últimos tempos. Por iso dende Talía Teatro quixeron unirse ás compañías que montaron, montan e montarán as súas pezas, e entre elas, a máis emblemática de todas “Morte accidental dun anarquista”. Nos clásicos, as súas portas están sempre abertas a novas visitas: dos creadores e do público; e, por desgraza, cincuenta anos despois de ser escrito, este sainete político, esta disparatada pero reflexiva comedia, segue aportando sons que, dun xeito máis ou menos directo ou metafórico, reverberan aínda nos muros da actualidade. O espectáculo foi estreado o 11 de marzo deste ano en Compostela con grande éxito.

Esta función está incluída na Rede Galega de Teatros e Auditorios da AGADIC e as entradas, ao prezo de 3,50 €, xa poden ser reservadas nas oficinas do centro cultural, no teléfono 981762294, no correo cultura@muros.es ou no formulario creado para este fin.

A concelleira de cultura de Muros, Mayka González, anima a tódolos muradáns a gozar desta marabillosa comedia de teatro para público adulto.

Día e hora: sábado 2 de abril, 18:00 h.
Local: Auditorio do Centro Cultural de Muros.
Actividade: Teatro musical – Culturactiva – “Desconcerto”.
Programa: Rede Galega de Teatros e Auditorios da AGADIC.

Culturactiva SCG presenta a Fran Rei e Félix Rodríguez en “Desconcrto”, un espectáculo cómico para todos os públicos, de creación propia e dirixida por Marcos Orsi.

En “Desconcerto” os protagonistas aparecen, por accidente, no escenario dun concerto de música culta. Coa orquestra a piques de comezar o repertorio e o público preparado para gozar co recital; véndose na obriga de facerse pasar por reputados músicos para saír da situación. Curiosamente, a partir deste aloucado punto de partida, o espectáculo vai avanzando e o programa previsto vaise executando, non sen diversos atrancos cómicos.

“Desconcerto” é un divertimento que mestura temas en directo con rigorosos play-backs sobre a música culta, un achegamento á música clásica por medio do humor. Montaxe cómica que combina música, teatro, humor e moito ritmo para ofrecer unha imaxe amena e atractiva da música clásica. Ao longo dos seus sesenta minutos de duración, neste espectáculo conviven pezas musicais clásicas de compositores como Leroy Anderson, Bach, Khachaturian, Mozart, Beethoven ou Rossini, e rutinas teatrais cómicas protagonizadas polo director da orquestra, diversos solistas, cancións a dúo, unha conferencia condensada sobre a música clásica e ata un número de ballet.

O espectáculo está incluído na Rede Galega de Teatros e Auditorios da AGADIC. As entradas, con un prezo de 2,50 €, deben de ser reservadas nas oficinas do centro cultural, no teléfono 981762294, ou no formulario creado para este fin.

A concelleira de cultura, Mayka González, anima a todo o público familiar da veciñanza a reservar a súa entrada, segura de que gozarán deste magnífico espectáculo, e aproveita para animar así mesmo a participar no contacontos que terá lugar o día anterior, venres 1, tamén ás 18:00 na Biblioteca de Muros, “A Bibliotecaria Estrafalaria”, onde, ademais con motivo da celebración do Día do Libro Infantil, lles agarda as persoas máis miúdas unha bonita sorpresa.

O sábado 26 de marzo, ás 21:00 h, chega ao Auditorio do Centro Cultural de Muros a compañía Contraproducións, co seu espectáculo, “Cigarreiras”.

Día e hora: sábado 26 de marzo, 21:00 h.
Local: Auditorio do Centro Cultural de Muros.
Actividade: Teatro – Contraproducións – “Cigarreiras”.
Programa: Rede Galega de Teatros e Auditorios da AGADIC.

Un espectáculo Baseado en La Tribuna de Emilia Pardo Bazánadaptado para teatro e dirixido por Cándido Pazó; e no elenco con  Tamara Canosa, Susana Dans, Merce Castro, Isabel Naveira, Covadonga Berdiñas, Ana Santos e Ledicia Sola

Unha proposta dramatúrxica audaz que, con sete actrices en escena, conxuga o tono propio dun drama individual e colectivo como La Tribuna, con outros máis frescos e lixeiros, mesmo cómicos por momentos, tan característicos da narrativa de Emilia Pardo Bazán.

Un texto que aborda ante unhas figuras (a de Pardo Bazán e a das cigarreiras), unhas situacións e unhas referencias históricas de marcado interés cultural. Figuras, situacións e referencias que dan pé a tratar temas totalmente vivos hoxe en día: memoria colectiva, perspectiva de xénero, dialéctica de modelos sociais e políticos… Temas que, ao fío dos vivos e brilantes argumentos aportados pola escritora e a súa novela, poden suscitar un grandísimo interés na sociedade actual, representada no teatro polo público.

Contraproducións é unha empresa galega dedicada á creación e distribución de espectáculos escénicos, conducida por Cándido Pazó, un dos principais autores e directores teatrais da escena galega actual, que para esta produción contou coa colaboración de teatre Romea, Histrión teatro e Encaro factory. O espectáculo foi estreado o pasado outono no teatro Rosalía de Coruña, foi premio do público no Fiot de Carballo e agora regresa a Galicia despois dunha xira por España, na que actuaron en teatros de tanto prestixio coma o Arriaga de Bilbao, acadando en cada función un grande éxito de público e crítica.

Esta representación está incluída na Rede Galega de Teatros e Auditorios da AGADIC e as entradas, ao prezo de 5,00 €, xa poden ser reservadas nas oficinas do centro cultural, no teléfono 981762294, no correo cultura@muros.es ou no formulario creado para este fin.

A concelleira de cultura de Muros, Mayka González, anima a tódolos muradáns a gozar coas nosas convidadas, nesta excepcional sesión de teatro para público adulto.

PROGRAMA

VENRES 25 | FEBREIRO

17:00 h – FESTA INFANTIL DE DISFRACES | LOURO. Colaboran ANPA Agra de Filgueira e SC Monte Louro | https://forms.gle/meL1Vm1oNzMPKq339

17:00 h – FESTA INFANTIL DE DISFRACES | TAL. Centro Agro vello | https://forms.gle/8PThjt8GH8HjoLp67

SÁBADO 26 | FEBREIRO

17:00 h – FESTA INFANTIL DE DISFRACES | ABELLEIRA. Colaboran AC. A Ponte vella e AVV. a Ostreira | https://forms.gle/QypUcgLuWdE9nf4u6

21:00 h – FESTA DE ENTROIDO | CURRO DA PRAZA – MUROS COA ACTUACIÓN DE QUINKILLADA |  https://forms.gle/DjxRSFN7ck3hoBLo8

DOMINGO 27 | FEBREIRO

17:00 h – FESTA INFANTIL DE DISFRACES | MUROS. Animacións en directo e PREMIOS nas categorías INDIVIDUAL INFANTIL e PARELLA INFANTIL |  https://forms.gle/wjdKYJtZfAeWuZcQ9

LUNS 28 | FEBREIRO

17:00 h – FESTA INFANTIL DE DISFRACES | ESTEIRO. Colaboran ANPA de Esteiro e A.C. O Xeito | https://forms.gle/LVs5vA9t9o5EGnPp7

MARTES 01 | MARZO

17:00 h – FESTA INFANTIL DE DISFRACES | SERRES. Pozo do Cachón. Colabora ANPA Valdexería | https://forms.gle/D4Skt1Bos84DBuVz5

17:00 h – FESTA INFANTIL DE DISFRACES | TOREA. Colaboran veciños de Torea | https://forms.gle/L9oJPNV55ruaqbRd8

Normas para todas as actividades:
AFORO LIMITADO. RESERVA PREVIA NO TELÉFONO 981762294 E FORMULARIOS DE CADA ACTIVIDADE. USO DE MÁSCARA OBRIGADO

Día e hora: sábado 12 de febreiro, 21:00 h
Local: Auditorio do Centro Cultural de Muros
Actividade: Teatro – Tarabela creativa – “Tabú”
Programa: Rede Galega de Teatros e Auditorios da AGADIC

O sábado 12 de febreiro, ás 21:00 h, chega ao Auditorio do Centro Cultural de Muros a compañía Tarabela Creativa, co seu espectáculo, “Tabú”, previsto para o día 22 de xaneiro, e que tivo que ser adiado por motivos de saúde.

Tabú é un espectáculo de narración oral con Carmen Conde, Nastasia Zürcher e Susana Garrido. Nace froito das conversas recollidas con mulleres de entre 70 e 95 anos no Valmiñor, o Morrazo, o Courel, a Mariña Lucense, a Costa da Morte e o Couto Mixto sobre a súa vida erótica e sexual de mocidade.

Un show de narración oral coa misión de transmitir as historias de confusión, secretismo, amor, picaresca e sexualidade (a máis cruel e a máis desexada) das mulleres que son cimento da nosa terra, que poden explicar o que somos agora nós: fillas do Tabú.

Esta representación está incluída na Rede Galega de Teatros e Auditorios da AGADIC e as entradas, ao prezo de 3,50 €, xa poden ser reservadas nas oficinas do centro cultural, no teléfono 981762294, no correo cultura@muros.es ou no formulario creado para este fin.

PINOCCHIO EN MUROS

O concello de Muros continúa a súa programación de teatro no Centro cultural e xuvenil; e para a vindeira fin de semana presenta un excelente espectáculo destinado a público familiar, “Pinocchio”. Espectáculo que xorde da colaboración entre as compañías Ghazafelhos e Rigoletto Teatro.

Día e hora: sábado 5 de febreiro, ás 18:00 horas.
Local: Auditorio do Centro Cultural e xuvenil de Muros
Actividade: Teatro –Ghazafelhos e Rigoletto Teatro – “Pinocchio”
Entrada: 2,50 €, reserva previa.
Programa: Rede Galega de Teatros e Auditorios da AGADIC.

“Pinocchio” é unha adaptación libre da obra de Carlo Collodi por Pepablo Patinho. Teatro Ghazafelhos, coa colaboración de Rigoletto Teatro, deciden contarnos a historia de Pinocchio. Un monicreque universal que nos enche de risa e emoción, e que agocha un segredo no seu corazón de bidueiro. Cunha posta en escena que combina os monicreques, o teatro e a música en directo ábrese unha porta a unha emocionante aventura que nos amosa un camiño cheo de humor e sensibilidade.

Teatro Ghazafelhos é unha compañía nacida en Narón no ano 2006 especializada en teatro de actor e clown. Trátase dunha das compañías galegas de referencia para público familiar. Ghazafelhos compóñena Montse Piñón, Pepablo Patinho e Jorge Casas, mais nesta ocasión estarán acompañados no esceario por  Paty Lesta e Cristian Leggiero, de Rigoletto teatro. Un luxo!

As entradas, a un prezo de 2,50 €, deben ser reservadas previamente nas oficinas do centro cultural de Muros, no teléfono 981762294, no correo electrónico cultura@muros.es, ou no formulario creado para este fin: https://forms.gle/uxSmYoa53q8LjGg28

A concelleira de cultura de Muros, Mayka González, quere agradecer a colaboración á Axencia das Industrias Culturais da Xunta de Galicia a súa colaboración  na programación estable do centro cultural e xuvenil de Muros; e anima a todo o público familiar do municipio  a gozar deste magnífico espectáculo, aproveitando para anunciar que, se as circunstancias o permiten, se celebrarán na semana seguinte os dous espectáculo adiados do mes de xaneiro, por problemas de saúde. O venres 11 o “Contacontos de libros contentos”, para público infantil, na biblioteca; e o sábado 12 o espectáculo para público adulto “Tabú”, no auditorio do centro cultural.

“TABÚ”, DE TARABELA CREATIVA, O SÁBADO 22 NO CENTRO CULTURAL DE MUROS

Día e hora: sábado 22 de xaneiro, 21:00 h
Local: Auditorio do Centro Cultural de Muros
Actividade: Teatro – Tarabela creativa – “Tabú”
Programa: Rede Galega de Teatros e Auditorios da AGADIC

O sábado 22 de xaneiro, ás 21:00 h, chega ao Auditorio do Centro Cultural de Muros a compañía Tarabela Creativa, co seu espectáculo, “Tabú”.

Un espectáculo de narración oral con Carmen Conde, Nastasia Zürcher e Susana Garrido

Tabú é un espectáculo que nace froito das conversas recollidas con mulleres de entre 70 e 95 anos no Valmiñor, o Morrazo, o Courel, a Mariña Lucense, a Costa da Morte e o Couto Mixto sobre a súa vida erótica e sexual de mocidade.

Un show de narración oral coa misión de transmitir as historias de confusión, secretismo, amor, picaresca e sexualidade (a máis cruel e a máis desexada) das mulleres que son cimento da nosa terra, que poden explicar o que somos agora nós: fillas do Tabú.

Esta representación está incluída na Rede Galega de Teatros e Auditorios da AGADIC e as entradas, ao prezo de 3,50 €, xa poden ser reservadas nas oficinas do centro cultural, no teléfono 981762294, no correo cultura@muros.es ou no formulario creado para este fin: https://forms.gle/tScnMCPrWFs81LgX7

A concelleira de cultura de Muros, Mayka González, anima a tódolos muradáns a gozar coas nosas convidadas, nesta primeira sesión de teatro de adultos de 2022, e aproveita para anunciar a programación teatral deste semestre, que se completa cos espectáculos:

• Día 5 de febreiro, ás 18:00 h, “Pinocchio”, da compañía Ghasafellos.
• 26 de marzo, 21:00 h, “Cigarreiras”, de Contraproducións
• 2 de abril, 18:00 h, “Desconcerto”, de Culturactiva
• 23 de abril, 21:00 h, “Morte accidental dun anarquista”, de Talía teatro
• 30 de abril, 18:00 h, “Aibô”, de Compañía Eléctrica
• 17 de maio, 18:00 h, “Extra!”, de Paco Nogueiras
• 21 de maio, 21:00 h, “A parábola do angazo”, de Talía teatro.