BANDO | Novas restricións pola COVID-19 (26.01.2021)

M. INÉS MONTEAGUDO ROMERO, como alcaldesa-presidenta do Concello de Muros, en base ás atribucións que me confire a lei  FAGO SABER:

Que, segundo a evolución epidemiolóxica e a situación asistencial, o comité clínico celebrado no día de onte decidiu elevar a totalidade de concellos de Galicia a un nivel extremo de restricións que busca reducir ao mínimo a interacción social, incidindo ademais no control da interacción entre persoas non convivintes, que non poderán realizar actividades conxuntas. Todos os concellos terán peche perimetral dende as 00:00 do día 27 de xaneiro ata polo menos o 17 de febreiro, aplicándose as seguintes medidas:

-A liberdade de circulación das persoas en horario nocturno está limitada entre as 22:00 h e as 06:00 h, excepto en casos xustificados e debidamente acreditados.

-A mobilidade redúcese ao territorio do propio concello, excepto aqueles casos xustificados e debidamente acreditados.

Limítanse os grupos para o desenvolvemento de calquera actividade ou evento de carácter familiar ou social na vía pública, espazos de uso público ou espazos privados, ás persoas convivintes.

Hostalaría e restauración: unicamente se permite o servizo para recoller no establecemento (ata as 21:30 h) ou a entrega no domicilio (ata as 00:00 h).

Comercio non esencial: peche ás 18:00 h e aforos limitados.

Comercio esencial (alimentación, farmacias, gasolineiras, talleres…): peche ás 21:30 h e aforos limitados. O mercado semanal queda limitado aos postos de alimentación.

-Continúan pechados os parques infantís e suspéndense todas as actividades impartidas en pistas polideportivas, pavillóns, instalacións deportivas e culturais municipais. Particularmente faise referencia ao Centro Cultural e Xuvenil de Muros (auditorio, biblioteca, aula CEMIT), Centro San Xosé, Centro de Sel, Muíño de Marea, Sala Nasmo, Centro Sociocultural de Louro, Centro de Surribos, Centro Reitoral de Torea, Centro Agro Vello, Casa da Sociedade, Centro O Areal, Pavillón Xosé Lago, Pavillón de Miraflores, Piscina, Campos de fútbol X.L. Vara, E. Balayo e Agra da Filgueira, Pista de pádel, e pistas deportivas ao aire libre, que estarán pechados a todo tipo de actividade.

-As clases da ESMU impartiranse en modalidade telemática.

-Só se permite o deporte individual ao aire libre e sempre coa máscara.

-Recordar as normas xerais: uso de máscara obrigatorio, manter distancia interpersoal, limitar contactos, ventilación de espazos, e atender as recomendacións sanitarias. Recoméndase o autoconfinamento sempre que sexa posible.


BANDO | Nivel de restriccións medio-alto dende as 00:00 h. do día 30/12/2020, pola incidencia do Covid 19

M. INÉS MONTEAGUDO ROMERO, como Alcaldesa-Presidenta do Concello de Muros, en base ás atribucións que me confire a Lei.

FAGO SABER

Que, segundo a decisión adoptada polo Comité Clínico da Consellería de Sanidade na súa reunión de onte, todo o territorio do noso concello está pechado e en nivel de restriccións medio-alto dende as 00:00 h. do día 30/12/2020, pola incidencia do Covid 19. En consecuencia:

-A liberdade de circulación das persoas en horario nocturno está limitada entre as 23:00 h. e as 06:00 h, excepto en casos xustificados e debidamente acreditados.

Os desprazamentos entre concellos para visitas familiares só están permitidos dende as 00:00 h. do día 30 ata as 23:00 h. do día 1, aínda que a recomendación é limitar os contactos aos convivintes.

O día de Noitevella a circulación en horario nocturno amplíase ata a 01:30 h.

-Limítanse os grupos para o desenvolvemento de calquera actividade ou evento de carácter familiar ou social na vía pública, espazos de uso público ou espazos privados, a un máximo de catro (4) persoas, excepto no caso de persoas convivintes.

Hostalaría e restauración: non está permitido o consumo en barra, no interior o aforo permitido é do 30% e en terraza do 50% das mesas. Ocupación máxima será de 4 persoas por mesa ou agrupación de mesas, respectando a distancia mínima de seguridade interpersoal entre elas.

O horario de peche ao público ás 18:00 h. O día 1 o horario de apertura ás 11:00 h.

Comercio e mercados ao aire libre: en locais e establecementos o límite do aforo é o 50% da capacidade. O mercado semanal queda limitado aos postos de alimentación.

-Peche de parques infantís.

-As restriccións en canto á vida social e comunitaria afectan ás celebracións relixiosas ou civís, lugares de culto, velorios, enterramentos, bibliotecas, arquivos e museos, cines, teatros e auditorios, centros recreativos e centros cívicos e sociais. En xeral os aforos están limitados a un máximo de persoas ou % de capacidade. As restriccións en actividades deportivas non federadas, celebración de eventos deportivos, adestramentos e demáis podénse consultar na web inicio.coronavirus.gal, restriccións por concellos, restriccións nivel medio-alto.

-Recordar as normas xerais: uso de máscara obrigatorio, manter distancia interpersonal, limitar contactos, ventilación de espazos, e atender as recomendacións específicas para Nadal.

-Estas normas estarán en vigor ata o cambio de nivel que decidan as autoridades competentes.

Muros, 29 de decembro de 2020

A Alcaldesa

M. Inés Monteagudo Romero


BANDO | Suspensión das actividades deportivas, educativas, culturais e sociais organizadas ou autorizadas polo Concello dende o 20 de agosto ata o 30 de agosto

Dª María Inés Monteagudo Romero, alcaldesa do Concello de Muros, en base ás atribucións que me confire a lei

FAGO SABER:

Que como consecuencia das extraordinarias circunstancias provocadas polo COVID-19 e seguindo as recomendacións da Xunta de Galicia sobre a adopción de medidas preventivas, esta Alcaldía en uso da competencia establecida no artigo 21 1m) da LRBRL resolveu mediante Decreto do día 20 de agosto o seguinte:

Primeiro.- Suspender as actividades deportivas, educativas, culturais, sociais… organizadas ou autorizadas polo Concello dende hoxe, día 20 de agosto, ata o próximo domingo 30 de agosto. Quedan en suspenso tamén durante ese prazo as autorizacións para uso de locais municipais.

Segundo.- Recoméndase seguir con atención as indicacións das autoridades sanitarias e solicítase de toda a veciñanza a máxima colaboración. En particular insistir na obrigatoriedade do uso de máscara, mantemento de distancia social, hixiene respiratoria e de mans. Respectar os aforamentos recomendados en establecementos abertos ao público e reunións  de carácter privado.

CONVOCATORIA | Proceso selectivo para a contratación de persoal laboral temporal a xornada completa para a oficina de turismo e elaboración dunha bolsa de traballo 2020

Por Resolución da Alcaldía núm. 720/2020 de 26 de xuño, aprobáronse as bases e a convocatoria para a contratación de persoal laboral temporal a xornada completa para a oficina de turismo do Concello de Muros, 2020 e para a elaboración dunha bolsa de traballo en réxime de contratación laboral temporal a tempo completo financiado pola Deputación da Coruña dentro do programa DP0029/2019, e que se transcriben a continuación:

CONVOCATORIA DO PROCESO SELECTIVO PARA A CONTRATACIÓN DE PERSOAL LABORAL TEMPORAL A XORNADA COMPLETA PARA A OFICINA DE TURISMO DO CONCELLO DE MUROS 2020, E PARA A ELABORACIÓN DUNHA BOLSA DE TRABALLO EN RÉXIME DE CONTRATACIÓN LABORAL TEMPORAL A TEMPO COMPLETO FINANCIADO POLA DEPUTACIÓN PROVINCIAL DA CORUÑA DENTRO DO PROGRAMA DP0029/2020

1. Obxecto da convocatoria

Ten por obxecto esta convocatoria a selección para a contratación de persoal laboral temporal a xornada completa para a oficina de Turismo do Concello de Muros (informadores turísticos e guía turístico), anualidade 2020, mediante calquera das modalidades de contratación previstas no Real decreto lexislativo 2/2015, de 23 de outubro, polo que se aproba o texto refundido da Lei do estatuto dos traballadores. A xornada será de luns a domingo cos descansos que establece a lei. As datas de inicio e de finalización dos contratos serán os establecidos na Resolución da contratación.

2. Características do posto

Área de subscrición: Turismo
Denominación dos postos e prazas: 1 guía turístico/a e 2 informador/a turístico/a
Grupo: III
Soldo: 1.281,06 €
Modalidade contractual: Contrato de obra ou servizo a tempo completo
Postos e duración: 1 guía turístico durante 4 meses | 2 informadores turísticos durante 3 meses

Titulación: Certificado de estudos segundo o previsto na letra nos puntos 4 g) e 4 h) das bases

Outros coñecementos: CELGA 4 ou equivalente

Funcións: O cometido funcional do posto versará sobre as tarefas propias da praza, consistentes na realización de visitas guiadas polo casco histórico de Muros, así como de información e atención ás persoas usuarias das oficinas de turismo de Muros. Tamén deberá realizar aquelas outras tarefas que lle poidan ser encomendadas polos órganos municipais competentes ou polo seu superior xerárquico para a satisfacción das necesidades propias do Concello relacionadas co posto de traballo.

ANUNCIO | Lista provisional de persoas admitidas e exluídas, composición do Tribunal e convocatoria do primeiro e segundo exame para a selección de persoal da brigada de incendios 2020

Por resolución da Alcaldía núm. 717/2020 de 25 de xuño de 2020, adoptouse o seguinte acordo:

Vista a Resolución da Alcaldía núm. 642/2020 de 5 de xuño de 2020 pola que se aprobaron as bases da convocatoria do proceso selectivo para a contratación de persoal laboral temporal a xornada completa de 2 capataces, 2 peóns condutores e 6 peóns para a creación de dúas brigadas de incendios, anualidade 2020 e a elaboración dunha bolsa de traballo en réxime de contratación laboral temporal a tempo completo financiado pola Consellería de Medio Rural.

Finalizado o prazo de presentación de solicitudes para participar neste proceso selectivo e de conformidade co previsto nas bases da convocatoria,

RESOLVO

PRIMEIRO. Aprobar a lista provisional de persoas admitidas e excluídas na convocatoria

ANUNCIO | Lista provisional de persoas admitidas e excluídas do proceso selectivo de auxiliares de axuda do fogar 2020

Por Resolución da Alcaldía núm. 709/2020 de 25 de xuño, adoptouse o seguinte acordo:

Vista a Resolución da Alcaldía núm. 333/2020 de 10 de marzo pola que se aprobaron bases e a convocatoria do proceso selectivo para a creación dunha lista de contratación, como persoal laboral temporal, de auxiliares de axuda no fogar no Concello de Muros, publicada no BOP núm. 50 de 13 de marzo de 2020.

Finalizado o prazo de presentación de solicitudes para participar neste proceso e de conformidade co previsto nas bases desta convocatoria,

RESOLVO

PRIMEIRO. Aprobar a lista provisional de persoas admitidas e excluídas na convocatoria referenciada

PERSOAS ADMITIDAS

INFORMACIÓN | Convenio de xestión de biomasa

O convenio de colaboración subscrito entre a Xunta de Galicia, a Fegamp e Seaga, en materia de prevención e defensa contra os incendios forestais, para o establecemento dun sistema público de xestión de biomasa nas faixas secundarias, ao que o Concello de Muros está adherido, recolle unha serie de medidas preventivas de gran calado en materia de apoio técnico e financeiro para actuacións preventivas de competencia municipal.

No ano 2020 a parroquia priorizada é Louro, así pois nas parcelas incluídas nas faixas secundarias desta parroquia, os/as propietarios/as teñen a posibilidade de asinar un contrato moi vantaxoso de xestión da biomasa con Seaga, sendo o importe anual deste contrato de 35 € por cada 1000 m2 de superficie que se limpe.

É por isto que os/as propietarios/as das parcelas incluídas nas faixas secundarias da parroquia de Louro recibirán por correo unha comunicación na que se lles explica o procedemento e a proposta de contrato para que o asinen se o consideran oportuno.

BANDO MUNICIPAL | Celebración dos mercadiños dos luns, martes e venres en todo o municipio

O 12 de marzo de 2020 a alcaldesa, María Inés Monteagudo Romero, ditou bando no que se facía saber que dadas as circunstancias provocadas polo COVID-19 e de acordo coas recomendacións da Xunta de Galicia se suspendían os mercadiños de luns, martes e venres en todo o municipio.

Vista o Orde SND 458/2020 de 30 de maio para a flexibilización de determinadas restricións do ámbito nacional establecidas tras a declaración do Estado de Alarma en aplicación da Fase 3 do Plan para a transición cara a unha nova normalidade, onde se establece que se garantirá a limitación da metade dos postos habituais ou autorizados, limitando a afluencia da clientela de maneira que se asegure a distancia social de dous metros e que á hora de determinar os/as comerciantes que poden exercer a súa actividade, o Concello poderá priorizar aqueles que comercializan produtos alimentarios e de primeira necesidade, asegurando que non se manipulen os produtos comercializados por parte dos/as consumidores/as.

Esta Alcaldía, ao amparo do disposto nos artigos 21.1).e) e 84.1.a) da Lei 7/1985, de 2 de abril, reguladora das bases do réxime local, e así como ao disposto no artigo 41 do Real Decreto 2568/1986 de 28 de novembro polo que se aproba o Regulamento de organización, funcionamento e réxime xurídico das entidades locais, por medio deste BANDO establece as condicións que, de maneira temporal rexerán a reapertura  dos mercados que desenvolven a súa actividade ao aire libre ou de venda non sedentaria na vía pública, comunmente denominados mercadiños, e así FAI SABER o seguinte:

Primeiro.- Levántase a suspensión da celebración dos mercadiños dos luns, martes e venres en todo o concello,  nos sitios habituáis de celebración, garantindo a limitación da metade dos postos habituais autorizados e priorizando aqueles que comercializan produtos alimentarios e de primeira necesidade de acordo coas quendas rotatorias establecidas no anexo realizado ao efecto e que permanecerá exposto con este bando aos efectos oportunos e sempre e cando se cumpran as medidas de seguridade e hixiene establecidas de distanciamento social entre postos.

Segundo.- As titularidades dos postos, de acordo co establecido na Orde SND 458/2020 do 30 de maio, deberán sinalar de forma clara e precisa a distancia de seguridade interpersoal de dous metros entre a clientela, con marcas no chan ou mediante o uso de balizas, cartelería ou sinalización para aqueles casos non que non sexa posible a atención individualizada de máis dun/dunha cliente ao mesmo tempo; e deberán pór á disposición do público dispensadores de xeles hidroalcohólicos ou desinfectantes con actividade virucida autorizados e rexistrados polo Ministerio de Sanidade.

Terceiro.- A Policía Local velará porque se respecten estás condicións e medidas, para protección e beneficio de todos e todas. Garantirase a vixilancia do espazo onde se celebre o mercado, durante o horario de funcionamento, para o cumprimento das normas de distanciamento social, así como para evitar aglomeracións.

Cuarto.- As normas contidas neste bando e as situacións recoñecidas da súa aplicación terán en todo caso una vixencia limitada ao mantemento das restricións por mor da pandemia ocasionada polo COVID-19, sen que cren dereito algún a favor do particular e suxeitas ás modificacións que se puidesen dar en función da evolución da situación e das normas que se vaian aprobando polas distintas administracións.

Cuarto.- Comunicarase á Consellería de Sanidade este bando para os efectos oportunos.

En todo caso prégase a toda a cidadanía que actúen con responsabilidade e prudencia e que sigan en todos os casos as recomendacións das autoridades sanitarias.

BANDO | Normas para os lumiños de San Xoán

Este ano as festas de San Xoán vanse celebrar nunhas circunstancias especiais, cando aínda non nos recuperamos da situación excepcional provocada polo COVID-19, que vivimos nestes meses. É importante polo tanto cumprir unha serie de normas, tanto de seguridade e prevención de lumes, coma de aglomeración de persoas e normas hixiénicas e sanitarias.

SOLICITUDES

As persoas, asociacións ou comunidades que desexen realizar unha cacharela deberán presentar a solicitude no Concello de Muros, antes das 14.00 h do día 18 de xuño de 2020, cumprimentando o modelo de solicitude e achegando a documentación.

NORMAS PARA A REALIZACIÓN DOS LUMIÑOS

1.- Non está permitido facer as laradas nas PRAIAS, VÍAS PÚBLICAS, XARDÍNS OU PARQUES PÚBLICOS, en terreos forestais ou nas proximidades de masas arbóreas.

2.- As laradas ou cacharelas situaranse en lugares seguros, de tal xeito, que non exista perigo de propagación accidental ás vivendas, instalacións ou terreos próximos. Deberán ter en conta a existencia de cableado, tendidos eléctricos, etc.  Arredor da cacharela deixarase unha franxa duns 5 m libre de calquera elemento combustible.

3.- Deberán situarse en zonas afastadas de masas arbóreas polo menos 50 m. As persoas responsables deben asegurarse de contar con medios de extinción mínimos pero suficientes para o seu uso inmediato en caso de ser necesario.

4.- Non se permite a utilización de líquidos inflamables nin queimar produtos contaminantes (plásticos, pinturas, goma…). Tampouco se poderán queimar residuos ou restos domésticos, forestais ou agrícolas.

5.- As laradas deben estar baixo vixilancia en todo momento, as persoas responsables deben asegurarse de que o lume queda completamente apagado.

6.- O número de asistentes non superará o que determine a normativa sanitaria de aplicación no momento da celebración da festa.

7.- Non se poderá aproveitar para queimar residuos ou restos domésticos, forestais ou agrícolas, xa que é motivo de denuncia. (En caso de non estar suspendidos os permisos, deberase pedir unha comunicación ou autorización, para restos agrícolas e forestais).

8. Non se poderá abandonar a larada ata estar seguros de que o lume quedou completamente apagado, debendo retirar todos os restos que queden unha vez rematado o evento.

9.- As autorizacións outorgadas non eximirán, en ningún caso, das responsabilidades por danos e prexuízos a que houber lugar no caso de que concorrese neglixencia ou imprudencia.

10.- As cacharelas poderán ser revisadas polos servizos municipais para ver se cumpren a normativa esixida.

Utilizamos cookies propias e de terceiros para obter datos estatísticos da navegación dos nosos usuarios e mellorar os nosos servizos. Se acepta ou continúa navegando, consideramos que acepta o seu uso. Pode cambiar a configuración ou obter máis información

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close