EMPREGO | Aprobado un novo subsidio para aquelas persoas que esgotasen a súa prestación entre o 14 de marzo e o 30 de xuño

Aprobado un novo subsidio para aquelas persoas que esgotasen a súa prestación ou subsidio entre o 14 de marzo e o 30 de xuño. O prazo de solicitude é ata o  30 de novembro.

O RDL 32/2020 (BOE 04/11/2020) aproba un conxunto de novas prestacións e axudas por desemprego, entre elas, o novo subsidio especial por desemprego.

REQUISITOS:

a) Ter extinguido por agotamento, entre o 14 de marzo de 2020 e o  30 de xuño de 2020, ambos inclusive, algunha das seguintes prestacións:

1. A prestación contributiva por desemprego.

2. Un subsidio por desemprego ordinario.

3. O subsidio extraordinario por desemprego SED.

4. A Renta Activa de Inserción (RAI).

b) Estar en desemprego total e inscrita como demandante de emprego no Servizo Público de Emprego (apuntado no paro).

c) Carecer do dereito á protección por desemprego de nivel contributivo ou asistencial regulada no título III do texto refundido da Lei xeral da seguridade social ou calquera das axudas ou prestacións enumeradas no apartado 2.a).

d) Non ser beneficiarias da renda mínima, renda de inclusión, salario social ou axuda análoga concedida por calquera administración pública (Estado, Comunidades Autónomas, Provincias ou concellos).

e) No caso de ter traballado por conta allea despois de rematar a prestación ou subsidio, ter cesado neste traballo con situación legal de desemprego.

f) Non ter cumprida a idade que se esixa para acceder á pensión de xubilación, nas súas modalidades contributiva ou non contributiva.

COMO SOLICITALO:

De maneira presencial:

DURACIÓN E CONTÍA:

A duración será de 3 meses e non poderá percibirse en máis dunha ocasión.

A contía do subsidio será igual ao 80% del Indicador Público de Renta de Efectos múltiples (IPREM) vixente e o pago realizarase polo SEPE a partir do mes seguinte da súa solicitude.


TEATRO | Espectáculos musicais para público infantil e familiar “OS ROMEIROS DO CARACOL” e “A CASA DO TERROR”

O centro cultural e xuvenil de Muros retoma a programación a vindeira fin de semana. Nesta ocasión, co fin de conmemorar a patroa da música, Santa Cecilia, prográmanse dous espectáculos musicais: “Os romeiros do caracol”, de Fantoches Baj e  “A casa do terror” de Xoán Curiel e a Banda do Verán.

“OS ROMEIROS DO CARACOL”

Día e hora: venres 13 de novembro, 18.00 h
Local:
Auditorio do Centro Cultural e Xuvenil de Muros
Actividade:
Música e monicreques – Fantoches Baj – “Os romeiros do caracol”
Público preferente:
Familiar/infantil.
Prezo da entrada:
gratuíto.

Programa: “Fondo de proxectos culturais Xacobeo 2021”, da Secretaría Xeral de Política Lingüística da Xunta de Galicia

Os irmáns Quintá percorren o camiño de volta de Santo Andrés de Teixido á súa casa despois de cumprir a ofrenda que lle prometeran ao seu defunto avó de levalo a Santo Andrés en forma de caracol, xa que non fora de vivo. A sabendas de que o camiño ía ser lento viaxan nunha caravana-caracol que tamén serve de teatriño de títeres co que contan as historias e cancións que viron e escoitaron en Santo Andrés. O espectáculo está baseado nunha obra de Antón Fraguas. A escenografía do espectáculo é un enorme caracol vivenda no que se contan e cantan cancións e as lendas de Santo Andrés. Monicreques, cantas de cego, máscaras, reque-reque, son algúns dos recursos do teatro popular que utilizan neste espectáculo con música en directo interpretada por Carlos Quintá. Completa o elenco do espectáculo o creador da compañía, o actor,  Inacio Vilariño. 

“A CASA DO TERROR”

Día e hora: sábado 14 de novembro, 18.00 h
Local:
Auditorio do Centro Cultural e xuvenil de Muros.
Actividade:
Música – Xoán Curiel e a Banda do Verán – “A Casa do Terror”
Público preferente:
Familiar/infantil.
Prezo da entrada:
2,50 €

Programa: Rede Galega de Teatros e Auditorios da AGADIC

Xoán Curiel e a Banda do Verán presentan un novo musical, editado por Galaxia, moi rockeiro e terrorificamente divertido que se desenvolve entre cancións, danzas, elementos teatrais ou de clown e, sobre todo, moita participación do público asistente.

A perspectiva do terror é abordada neste espectáculo dun xeito divertido e lévase a cabo a través de personaxes como as pulghas sombies, o lobo lover, ratatiburóns, gativampiros, o monstro da lavadora, a pantasma con asma, e moitas máis.

O elenco artístico está formado por Xoán Curiel, na guitarra eléctrica, guitarra española e voz, Jara Ortiz: Voz, Carlos Freire: Batería, Alex Salgueiro: Teclado e programacións, Antón Fernández: Baixo e Marta Alonso: Danza e voz.

As entradas serán reservadas previamente nas oficinas do Centro cultural e xuvenil de Muros ou no teléfono 981 762 294 ou no correo electrónico: cultura@muros.es


DEPORTES | Nas seguintes ligazóns podes volver a ver a retransmisión da etapa Muros – Miradoiro do Ézaro. Dumbría – Etapa 13 03/11/2020

La Vuelta – Muros > Miradoiro do Ézaro. Dumbría – Etapa 13 03/11/2020 (martes) – 33,7 km – CRI

Nas seguintes ligazóns podes volver a ver a retransmisión da etapa de onte de RTVE:

Teledeporte ➡️ https://www.rtve.es/alacarta/videos/vuelta-ciclista-a-espana/vuelta-ciclista-espana-2020-13-etapa/5703575/

La 1 ➡️ https://www.rtve.es/alacarta/videos/vuelta-ciclista-a-espana/vuelta-ciclista-espana-2020-13-etapa-muros-mirador-ezaro-dumbria-2/5703647/


BANDO | Bando municipal (modificación) sobre a prohibición de estacionamento durante a 13ª Etapa da volta a España – Muros – Miradoiro do Ézaro

O Concello de Muros pon en coñecemento da cidadanía que o próximo martes 3 de novembro con motivo do celebración da 13ª etapa de LA VUELTA 2020 Muros – Miradoiro do Ézaro de ciclismo,

FAGO SABER:

PROHIBIDO O ESTACIONAMENTO

Zona vermella
Dende: ás 20.00 h do sábado 31 de outubro
Ata: ás 20.00 h do martes 3 de novembro
Zona: porto de Muros

Zona laranxa
Dende: ás 20.00 h do luns 1 de novembro
Ata: ás 20.00 h do martes 3 de novembro
Zona: estrada Miraflores, rúa Alameda, rúa Real, avenida Castelao, rúa Cabo, campo da Lúa… (ver mapa)

Agradecerlles a súa comprensión e a súa colaboración, así como, sinalarlles que na medida do posible organicen o aparcamento dos seus vehículos nos lugares habilitados (achégase plano) para minimizar as
incidencias.

Muros, 27 de outubro de 2020
A alcaldesa
Inés Monteagudo Romero


BANDO | Bando municipal sobre o corte da estrada comarcal AC 550 durante a 13ª Etapa da volta a España – Muros – Miradoiro do Ézaro

Infórmase á veciñanza que o vindeiro martes 3 de novembro con motivo da celebración da 13ª etapa de VUELTA A ESPAÑA 2020 Muros – Miradoiro do Ézaro de ciclismo a estrada comarcal AC 550 permanecerá cortada ao tráfico.

Día: martes, 3 de novembro de 2020
Estrada cortada: AC550 a partir do punto quilométrico 42,0 (rotonda da Tremenda) en dirección Cee.
Hora do corte: dende ás 11.00 h ata as 18.00 h

Contarase con persoal da Policía Local, Garda Civil, Garda Civil de Tráfico, GES Muros e Protección Civil que garantirá a seguridade tanto das persoas participantes na proba coma da veciñanza, polo que lle rogamos que atenda ás súas indicacións.

Agradecerlle a súa comprensión e a súa colaboración, así como, sinalarlle que na medida do posible organice o uso do seu vehículo para minimizar incidencias tanto para vostede como para o desenvolvemento da proba deportiva.

Muros, 20 de outubro de 2020

A alcaldesa
Inés Monteagudo Romero


BANDO | Bando municipal sobre as limitacións de estacionamento durante a 13ª Etapa da volta a España – Muros – Miradoiro do Ézaro

O Concello de Muros pon en coñecemento da veciñanza que o próximo martes 3 de novembro con motivo da celebración da 13ª etapa de La Vuelta 2020 Muros – Miradoiro do Ézaro de ciclismo:

Queda PROHIBIDO O ESTACIONAMENTO:

– Dende: as 20.00 h do sábado 31 de outubro
– Ata: as 20.00 h do martes 3 de novembro
– Zona: toda a zona portuaria de Muros e estrada a Miraflores (achégase plano)

Agradecerlles a súa comprensión e a súa colaboración, así como, sinalarlles que na medida do posible organicen o aparcamento dos seus vehículos nos lugares habilitados (achégase plano) para minimizar as incidencias.

Muros, 20 de outubro de 2020

A alcaldesa
Inés Monteagudo Romero


TEATRO | “Animal Sagrado” (Aporía Escénica)

APORÍA ESCÉNICA | “ANIMAL SAGRADO”

Día: sábado, 24 de outubro de 2020.
Hora: 18.00 h.
Recinto: Auditorio do Centro Cultural e Xuvenil de Muros.
Entrada: 2,50 €.

Incluído na Rede Galega de Teatros e Auditorios da AGADIC
Obrigada a reserva previa, nas oficinas do Centro cultural, no 981762294, ou cultura@muros.es.
Aforo 50 persoas.

“Animal sagrado” procura traer á actualidade o amor profundo e respecto aos animais por medio da historia de tres animais considerados máxicos e sagrados en distintas culturas: O gato en Exipto, o elefante en África e os peixes Koi en Xapón.

Preténdese establecer un nexo entre a historia pasada e a presente, trazando un arco que transite desde o achegado e cotián ata o afastado e exótico. Desde realidades concretas ás que temos acceso, como os gatos nos refuxios de animais e a caza masiva de elefantes, ata as lendas milenarias de Xapón e a cultura do Antigo Exipto.

Sen fuxir da crúa realidade do maltrato animal, Animal Sagrado nútrese dun ideal que impulsa o espectáculo en cada acción e configura unha atmosfera onírica e esperanzadora: o soño de eliminar as barreiras entre o mundo humano e o mundo animal.

O máis relevante e singular desta proposta teatral é a potencia visual, cunha estética de trazos simples e orgánicos cargados de forza e significación. A escenografía está concibida como espazo sonoro mediante o emprego da percusión dos módulos e dos paus, conectándonos cos sons de culturas ancestrais e tradicionais que perviven no noso imaxinario e nos conectan de novo con elementos primixenios e esenciais da nosa condición. Os elementos máis novidosos deste espectáculo son as máscaras hiperrealistas do gato e do elefante, con grande expresividade, volumes e texturas, así como as marionetas dos peixes que danzan fluíndo polo espazo. Todos estes animais sagrados irrompen nas escenas de xeito inesperado, atrapando ao público con maxia e beleza.

É un espectáculo destinado a público familiar, especialmente recomendado a partir de 6 anos. Combina o teatro e a danza, aínda que tamén pode ser cualificado coma teatro de máscaras.

A interpretación corre a cargo de Jorge Gallardo e Diana Mera, quen tamén é autora e directora.


TEATRO | “O meu mundo non é deste reino” (Teatro da Ramboia)

Gañadora do CERTAME MANUEL MARÍA DE PROXECTOS TEATRAIS

Día: sábado, 17 de outubro de 2020.
Hora: 21.30 h.
Recinto: Auditorio do Centro Cultural e Xuvenil de Muros.
Entrada: 3,50 €.

Incluída na Rede Galega de Teatros e Auditorios da AGADIC

Reserva previa obrigatoria no Centro Cultural e Xuvenil de Muros, no 981 762 294 ou no e-correo cultura@muros.es

Un par de trapeiros chegan a unha parada no seu camiño despois de días de longa viaxe cara á Feira do Vento. Traen consigo unha carga enorme de todo tipo de obxectos estraños: cortinas rimbombantes, paus de todos os tamaños, bolsas das que despuntan teas dunha chea de tecidos e cores distintas, e algo que semella ser unha enorme e aparatosa mochila de madeira. Abraiados ante a abundancia de público, dispóñense a situar as súas pertenzas no espazo con ánimo de venderlle algunha aos alí reunidos. Coma os máis experimentados vendedores de fume, deixan o seu ben máis atesourado para o final; un tutilimundique contén nos seus adentros ao condenado reino de Bululú e os seus habitantes. E así, dáse comezo á farsa. 

Elenco: Anxo García e Fran Lareu
Dirección e dramaturxia: María Peinado


BANDO | Bando municipal sobre as limitacións durante a 13ª Etapa da volta a España – Muros – Miradoiro do Ézaro

Prezadas veciñas e veciños,

O Concello de Muros pon en coñecemento da cidadanía que o próximo 3 de novembro a vila de Muros será lugar da saída da 13ª etapa da La Vuelta España 2020 que rematará no miradoiro do Ézaro, un acontecemento único que suporá unha repercusión mediática a nivel mundial. Ademais, esta etapa terá un carácter moi especial ao tratarse da única contra reloxo individual, polo cal será determinante para coñecer o gañador final.

Este evento implicará que a maior parte da vila e a súa contorna se vexa afectada pola loxística do evento, desta maneira será imprescindible a colaboración e compresión da veciñanza.

Así, facendo uso da facultade que me concede o artigo 124.4 letra g, da Lei 7 /1985, do 2 de abril, reguladora das bases do réxime local,

FAGO SABER

  • Durante os días previos á celebración da etapa acoutaremos os lugares para o estacionamento de vehículos.
  • Durante a xornada da etapa levaranse a cabo limitacións de mobilidade e peche da AC550.
  • Habilitaranse zonas específicas para o estacionamento de vehículos.
  • Os servizos de seguridade velarán polo cumprimento das normas establecidas.
  • Publicarase na web do Concello de Muros un documento con recomendacións e consellos.

Muros, 13 de outubro 2020

A alcaldesa
Inés Monteagudo Romero

CAMPAÑA DE SENSIBILIZACIÓN DA ORGANIZACIÓN DE LA VUELTA

Moi ao noso pesar, temos que pidirvos ás/aos espectadoras/es que debido á crise sanitaria pola COVID19 vos quededes na casa e sigades a carreira pola TV, co obxectivo de evitar aglomeracións nos puntos clave de seguimento da etapa.