Plan de mellora de camiños municipais 2020-2021.
O concello de Muros segue coa intensa programación teatral deste mes de outubro, no Centro Cultural e Xuvenil de Muros, co espectáculo, “Feminíssimas”, da compañía De Ste Xeito, coincidindo coa efeméride da Muller Rural.
Día e hora: sábado 23 de outubro, ás 21:00 horas.
Local: Auditorio do Centro Cultural de Muros
Actividade: Teatro – De Ste Xeito – “Feminíssimas”
Prezo da entrada: 3,50 euros
Programa: Rede Galega de Teatros e Auditorios da AGADIC.
Obra de teatro cómico.
Creación colectiva coa amizade como fondo e o feminismo como forma.
Un Congreso Feminista na cidade de Vigo.
Tres amigas da adolescencia que fai anos que non se ven.
Tres amigas que teñen tres maneiras distintas de entender o “feminismo”…: feminismo radical, feminismo liberal e teoría queer.
Este é o punto de partida desta creación de Esther F: Carrodeguas, Noelia Blanco, Stephy Llaryora e Xavier Castiñeira. Unha peza teatral con altas doses de humor, ironía e complicidade para poñer a amizade a proba e mentres analizamos -dende a comedia- de que maneira as mulleres estamos a con-vivir neste novo mundo feminista no que nos atopamos mergulladas. Unha maneira –tamén– de rirnos de nós mesmas, das nosas propias incongurencias e sobre todo do espazo que separa a teoría pura da práctica diaria. Un espazo para reflexionar sobre a amizade e a súa complexa relación coa ideoloxía.
En resumo: unha comedia negra… violeta.
A concelleira de cultura de Muros, Mayka González, anima a toda a veciñanza a gozar deste magnífico espectáculo que nos axuda a reflexionar sobre a amizade, a muller, as diferentes feminidades e as nosas posturas fronte á vida.
RESERVAS:
As entradas ten que ser reservadas previamente, ben nas oficinas do centro cultural de Muros, no teléfono 981 762 294, de luns a venres, de 8.30 a 15.00 h, por correo electrónico no seguinte enderezo: cultura@muros.es, ou a través do seguinte formulario: http://ow.ly/cbSx50GsZ0C
EducaTeatro Producións, creadora tamén dos exitosos musicais ‘Carapuchiña Vermella’, “Os tres porquiños” e “O mundo máxico de Pinocho”, cos que xa estiveron en outras tempadas neste mesmo espazo, achégase de novo a deleitarnos con ‘O Camiño de Santiago”, o sábado, 16 de outubro, ás 18:00 h. Un musical infantil, destinado a público familiar co que o Concello de Muros quixo comezar a tempada de teatro familiar do Centro cultural.
O camiño de Santiago é a historia de Santiago e Mariña, dous irmáns que non xogan xuntos, pero que aprenderán a facelo.
Como cada noite, Santiago emprende o seu camiño acompañado de Blanco, o seu cabalo inseparable. O que non agarda é que hoxe se atope no seu soño con Mariña e a súa gatiña Lupe. Vivirán aventuras e cantarán cancións para chegar ao Castelo Máxico (a Catedral de Santiago) e encontrar o tesouro agochado.
Nesta viaxe, as personaxes dos seus contos cobrarán vida. Cando remata a súa aventura e a viaxe finaliza, os irmáns espertan, á mañá seguinte, cambiados, unidos e xuntos.
Para EducaTeatro Producións, creada a finais de 2013, a música, a lingua, a diversión e a participación do público, son os piares fundamentais dos seus traballos, cos que buscan fomentar a educación en valores.
Neste espectáculo, interpretado por Paulo Medal e Almudena Zurita, é de destacar o percorrido polas historias e as cancións míticas de EducaTeatro
A función está incluído na programación da Rede Galega de Teatros e Auditorios e o prezo das entradas é de 2,50 €, que se recomenda reservar por anticipado nas oficinas do centro cultural de Muros, ou no teléfono 981762294, de luns a venres, de 8:30 a 15:00 h, ou ben por Internet no formulario creado para este fin.
A concelleira de cultura de Muros, Mayka González, anima a todo o público familiar de Muros a que se achegue a gozar con este espectáculo, agora que xa se ampliaron os aforos, sinalando que se elixiu esta temática para abrir a programación familiar debido a que por primeira vez foi recoñecido o Camiño Muros-Compostela e toda a comunidade escolar está tratando este tema nos seus respectivos centros.
Lista de puntuacións provisional do proceso selectivo de alumnado para o obradoiro de emprego “OE PORTAVENTOSA”
Lista de puntuacións provisional da entrevista persoal realizada as persoas candidatas ao posto de alumno/a do obradoiro de emprego “OE PORTAVENTOSA”
Lista de puntuacións provisional do proceso selectivo do equipo directivo, docente de apoio do obradoiro de emprego “OE PORTAVENTOSA”
Lista de puntuacións provisional da entrevista persoal realizada as persoas do equipo directivo e persoal de apoio e docentes candidatas do obradoiro de emprego “OE PORTAVENTOSA”
O concello de Muros inicia esta semana a súa programación teatral para a tempada 2021/22, no Centro Cultural e Xuvenil de Muros, con dous premiados espectáculos, “Elisa e Marcela”, de A Panadaría teatro e “O Premio”, de La Quintana teatro, os dous destinados a público adulto e coproducidos polo CDG.
Día e hora: xoves 7 de outubro, ás 21:00 horas.
Local: Auditorio do Centro Cultural de Muros
Actividade: Teatro – A Panadaría – “Elisa e Marcela”
Entradas: de balde, previa reserva
Programa: “Fondo de proxectos culturais Xacobeo 2021-22”, da Secretaría Xeral de Política Lingüística da Xunta de Galicia
Ano 1901, A Coruña. Dúas mulleres casan na Igrexa de San Xurxo, unha delas vestida de home. Unha historia de persecucións policiais, fuxidas en dilixencia, cambios de identidade e informacións manipuladas. As cómicas de A Panadaría presentan unha reconstrución irreverente dun suceso real. Unha comedia musical onde o verídico parece invento. Elisa e Marcela é unha historia de amor a contratempo, protagonizada polas actrices Areta Bolado, Noelia Castro e Ailén Kendelman
Este espectáculo foi multipremiado con galardóns a mellor espectáculo nos Premios María Casares 2018, e tamén mellor dirección, mellor texto orixinal e mellor actriz protagonista nos mesmos premios. Premio Luísa Villalta para iniciativas culturais pola igualdade, entre outros.
Día e hora: sábado 9 de outubro, ás 21:00 horas.
Local: Auditorio do Centro Cultural de Muros
Actividade: Teatro – La Quintana Teatro – “O Premio”
Prezo da entrada: 3,50 euros
Programa: Rede Galega de Teatros e Auditorios da AGADIC.
“O Premio” é unha comedia aceda que fala da situación das persoas dentro dun futuro próximo no que o progreso tecnolóxico e a loita cara ao éxito económico, sentimental e social fose tal, que se viron obrigadas a caer en “O Premio” como única fórmula de conseguir a felicidade. “O Premio” é un reallity en directo onde o público vota a quen merece levar o premio da súa vida: “Morrer logrando a fama. Todo por un soño”
Coma todas as montaxes da Quintana Teatro parte da investigación a pé de rúa e constrúese a través da creación colectiva. A compañía sempre está aberta aos estímulos externos co fin de que sirvan de inspiración para a creación de novas formas teatrais. Nesta ocasión os temas para explorar son a muller cosmopolita, a muller tradicional, o home perdido entre medias e á súa vez o prezo da felicidade.
Unha procura colectiva que enriquece o traballo actoral que nesta ocasión será compartido cos personaxes que aparezan na pantalla. A través de vídeos móstrase a vida dos protagonistas, xogando coa súa privacidade, levando ao límite a súa capacidade de exhibición, sacando á luz as súas miserias, os seus vicios e os seus segredos máis ocultos.
É un proxecto diferente e singular, tanto pola temática que aborda, como pola sorprendente posición na que se coloca ao público, xa que deberá votar quen debe gañar: Tres finais distintos en función dos espectadores
O espectáculo foi escrito por Santiago Cortegoso, dirixido por Marián Bañobre e protagonizado por Victoria Teijeiro, Raquel Espada/ Lidia Veiga e Xurxo Cortázar.
As entradas tén que ser reservadas previamente, ben nas oficinas do centro cultural de Muros ou no teléfono 981762294, de luns a venres, de 08:30 a 15:00 horas; e tamén poden solicitarse no correo electrónico cultura@muros.es, ou en Internet por medio do formulario de Google creado para cadansúa.
A concelleira de cultura de Muros, Mayka González, quere agradecer a colaboración da Secretaría Xeral de Política lingüística e da AGADIC, da Xunta de Galicia, e anima a toda a veciñanza a gozar destes magníficos espectáculos. Aproveitando para anunciar que a videira semana, o sábado 16, a compañía de EducaTeatro, co musical “o Camiño de Santiago”, ás seis da tarde, dará comezo á programación deste outono destinada a público familiar.
O pasado xoves 30 de setembro publicouse no BOP as seguintes convocatorias municipais do ámbito deportivo:
O prazo de presentación de solicitudes será de 30 días naturais dende o anuncio de publicación desta convocatoria no BOP da Coruña (30/10/2021).
Dende a Garda Civil alertan dunha estafa a través dunha chamada telefónica dende números estranxeiros normalmente prefixos +44 ou 0044, na que con moita convición, se presentan como técnicos de Windows ou Microsoft, e piden facer unha serie de comprobacións no ordenador. Deste xeito acceden aos nosos ordenadores ou teléfonos coa fin de roubar chaves ou accesos a contas bancarias. Se recibides algunha chamada deste tipo COLGADE O TELÉFONO, son estafas e roubo de datos personais!
BASES DOS OBRADOIROS CULTURAIS:
1. Datos xerais
1.1.- Os OBRADOIROS CULTURAIS nos que poden preinscribirse as persoas interesadas para o curso 2021/22 son os seguintes:
OBRADOIROS CULTURAIS – CURSO 2021/22
– Esteiro: Arte floral, Bordado, Encaixe de agulla e Traballos manuais.
– Tal: Bordado, Encaixe de agulla e Traballos manuais
– Abelleira: Bordado, Encaixe de agulla e Traballos manuais.
– Torea: Traballos manuais.
– Serres: Bordado, Encaixe de agulla e Traballos manuais
– Muros: Arte floral, Bordado, Cociña, Costura, Encaixe de agulla, Fotografía, Teatro e Traballos manuais.
– Louro: Bordado, Encaixe de agulla e Traballos manuais
1.2.- Se existira moita demanda para participar nalgún obradoiro que non aparece na relación, estudarase a posibilidade de que este se constituía, na localidade na que se produza a demanda.
1.3.- As idades esixidas para participar nas actividades son:
ACTIVIDADE IDADE
Teatro nados/as no ano 2014 ou anteriores
Traballos manuais nados/as no ano 2009 ou anteriores
Arte floral, bordado, cociña, costura, fotografía e encaixe con agulla, nados/as no ano 2007 ou anteriores
2. Preinscrición (do 22 de setembro ao 5 de outubro)
2.1.- Ábrese o prazo de preinscrición do 22 de setembro ao 5 de outubro.
2.2.- Esta preinscrición formalizarase nas oficinas do Centro Cultural e Xuvenil de Muros, ou por medio do formulario Google Forms previsto para esta actividade,
Na preinscrición os/as interesados/as comprometeranse a asistir ás modalidades que prefiran e na localidade que indiquen, sempre que se poida constituír grupo.
2.3.- Constituiranse tan só os grupos de traballo que acaden unha preinscrición mínima de 10 persoas.
2.4.- Ás persoas preinscritas nas actividades que non poidan ser impartidas daráselles a opción de elixir outro grupo ou actividade.
2.5.- Os obradoiros culturais definitivamente constituídos, e os seus horarios, faranse públicos o día 8 de outubro.
3. Matrícula (do 11 ao 13 de outubro)
3.1.- Para formalizar a matrícula, as persoas preinscritas deberán consultar no Centro Cultural e Xuvenil de Muros, ou ben no teléfono 981 762294, ou por medio da páxina web do concello, a constitución dos grupos e o seu horario, e despois ingresar no nº de conta que se lle indique, unha cota de 25,00 €, do día 11 ao 13 de outubro, incluídos, que lle dará dereito a participar no obradoiro que elixira, durante a tempada.
3.2.- Se despois de formalizar a matrícula algunha persoa non puidera asistir ás clases, non terá dereito á devolución da cota nin á substitución directa por outra persoa.
3.3.- Non se poderá mudar de actividade despois de comezadas estas.
4. Prazas libres (do 18 ao 30 de outubro)
4.1.- Nos grupos que queden prazas libres poderán matricularse outras persoas do 18 ao 30 de outubro no Centro Cultural e Xuvenil de Muros.
5. Comezo das actividades
5.1.- As actividades darán comezo a partir do luns 18 de outubro.
6. Outras Condicións
6.1.- O número de persoas por grupo, duración das actividades, etc estarán suxeitas as medidas sanitarias vixentes en todo momento.
FORMULARIO DE INSCRICIÓN (Google Forms)
BASES DAS ESCOLAS:
1. Modalidades, lugares e idades
| MODALIDADE | ANO DE NACEMENTO |
| Bádminton | 2014 ata o 2005 |
| Baloncesto | 2015 ata o 2005 |
| Fútbol sala | 2015 ata o 2005 |
| Patinaxe | 2017 ata o 2005 |
| Ximnasia mantemento/body tónic | 2005 e anos anteriores |
| MODALIDADE | ANO DE NACEMENTO |
| Actividades predeportivas | 2017 e 2016 |
| Baloncesto | 2015 ata 2005 |
| Fútbol sala | 2015 ata 2005 |
| Patinaxe | 2017 ata 2005 |
| Ximnasia de mantemento | 2005 e anteriores |
| Iniciación ao xadrez | 2015 ata 2005 |
| MODALIDADE | ANO DE NACEMENTO |
| Ximnasia de mantemento | 2005 e anteriores |
2. Prazos do procedemento
| PROCEDEMENTO | DATAS |
| Preinscrición | Do 22 de setembro ata as 14.00 h do 5 de outubro |
| Sorteo (se fora necesario) | 7 de outubro ás 12.00 h |
| Publicación dos horarios | 8 de outubro |
| Matrícula | Do 11 ao 13 de outubro |
| Inicio das actividades | 18 de outubro |
| Prazas vacantes | A partir do 27 de outubro |
3. Sorteo
No suposto de que o número de solicitudes supere o número de prazas dispoñibles en cada modalidade, realizarase o sorteo o 7 de outubro (en presenza da Secretaría municipal).
O sorteo será público e terá lugar no salón de plenos do concello, ás 12.00 h da mañá. Comunicaráselle, mediante correo electrónico, a adxudicación da praza ás persoas solicitantes.
4. Horarios
Cada escola deportiva será dunha sesión semanal.
Os horarios faranse públicos o 8 de outubro. Estarán expostos nos taboleiros dos pavillóns, no Centro Cultural e Xuvenil de Muros, na páxina web do Concello de Muros, www.muros.gal. e na sede electrónica municipal, sede.muros.gal
Para a consulta telefónica dos horarios habilítanse os seguintes teléfonos:
5. Prazas
O número de prazas para cada modalidade e lugar establécese da seguinte maneira:
| MODALIDADE | PRAZAS |
| Bádminton | 10 |
| Baloncesto | 10 |
| Fútbol sala | 20 |
| Patinaxe | 20 |
| Ximnasia mantemento/body tónic | 20 |
| MODALIDADE | PRAZAS |
| Actividades predeportivas | 30 |
| Baloncesto | 30 |
| Fútbol sala | 30 |
| Patinaxe | 30 |
| Ximnasia de mantemento | 30 |
| Iniciación ao xadrez | 20 |
| MODALIDADE | PRAZAS |
| Ximnasia de mantemento | 16 |
A adxudicación das prazas pode ser:
6. Preinscrición: do 22 de setembro ao 5 de outubro
É persoal e intransferible. A preinscrición farase nas oficinas da Centro Cultural e Xuvenil de Muros, por medio da sede electrónica do Concello de Muros, ou cubrindo o formulario (Google Forms), do 22 de setembro ao 5 de outubro (ambos incluídos).
No caso de rexistrar para a mesma persoa máis dunha solicitude, só se terá en conta a última, anulando con esta todas as feitas con anterioridade.
7. Matrícula: do 11 ao 13 de outubro
É persoal e intransferible. Deberase facer unha vez comprobada: a adxudicación da praza, os horarios das escolas e do/s grupo/s no que a persoa interesada solicitou a preinscrición.
O alumnado deberá aboar a cota de participación no número de conta establecido por parte do Concello de Muros.
O período de matrícula establécese do 11 ao 13 de outubro (ambos incluídos).
8. Cota
A cota de participación será de 25,00 € anuais e deberase aboar no período de matrícula.
9. Inicio das actividades: 18 de outubro
As actividades constituídas darán comezo a partir do 18 de outubro (luns) en función do día que lle corresponda a cada actividade.
10. Prazas vacantes: a partir do 27 de outubro
A Concellaría de Deportes publicará na web a lista de prazas que puideran quedar libres en cada modalidade e lugar despois de resolver esta convocatoria. No caso de que existiran prazas vacantes abrirase un período de solicitude a partir do 27 de outubro.
11. Datas
As escolas deportivas impartiranse dende o mes de outubro (18/10/2021) ata o mes de maio do ano 2022.
12. Requisitos
13. Control de asistencia
No caso de que se chegue ao 50% de faltas de asistencia o alumnado podería causar baixa na actividade, sen dereito á devolución da cota.
14. Outros
Se houbera a suficiente demanda para constituír outra escola deportiva que non se recolle nestas bases, estudarase a posibilidade de poder incluíla, sempre que se adapte á normativa sanitaria vixente en cada momento.
Calquera circunstancia que non apareza nestas bases será tratada de maneira individual, previa solicitude da persoa interesada (así como calquera circunstancia de carácter especial que se puidera producir).
HORARIOS DAS ESCOLAS DEPORTIVAS MUNICIPAIS PARA O CURSO 2021/22
* O horario da escola de xadrez comunicóuselle a cada alumna/o de maneira individual.
Utilizamos cookies propias e de terceiros para obter datos estatísticos da navegación dos nosos usuarios e mellorar os nosos servizos. Se acepta ou continúa navegando, consideramos que acepta o seu uso. Pode cambiar a configuración ou obter máis información
The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.
