O Servizo Municipal de Madrugadores é un programa de conciliación da vida laboral e familiar que se desenvolverá durante o curso escolar 2026/2027 nas instalacións do CEIP Plurilingüe de Louro, do CEIP Ramón de Artaza e Malvárez e do CEIP Plurilingüe Ricardo Tobío. O seu obxectivo é facilitar a conciliación das familias con fillos e fillas escolarizados nestes centros, ofrecendo un servizo de atención antes do inicio da xornada lectiva para aquelas persoas que o precisen.
1. Destinatarios/as
O programa está dirixido ao alumnado matriculado nos CEIP Plurilingüe de Louro, CEIP Ramón de Artaza e Malvárez e CEIP Plurilingüe Ricardo Tobío durante o curso escolar 2026/2027.
2. Número de participantes no servizo
- Mínimo: 5 alumnos/as por centro educativo
- Máximo: 30 alumnos/as por centro educativo
No caso de superar o número máximo de prazas realizarase un sorteo público.
3. Solicitude e prazo
As solicitudes de inscrición presentaranse, preferentemente, a través do formulario electrónico habilitado para tal fin. Tamén poderán presentarse mediante o Rexistro da sede electrónica do Concello de Muros (sede.muros.gal) ou a través dos rexistros de calquera administración pública integrada na plataforma de intercambio rexistral (SIR).
O prazo de solicitude de inscrición establécese do seguinte xeito:
- Solicitude de inscrición: do 3 ao 21 de agosto de 2026.
- As solicitudes presentaranse preferiblemente por vía electrónica a través do seguinte formulario dispoñible na seguinte ligazón:
FORMULARIO DE INSCRICIÓN - Horario de presentación das solicitudes de xeito presencial no rexistro municipal: de 9.00 h a 14.00 h de luns a venres.
FORMULARIO PRESENCIAL
Tipos de solicitude:
- Poderá presentar unha solicitude individual ou múltiple para o suposto de irmáns/ás.
Como cubrir a solicitude:
- Cada solicitante cubrirá unha solicitude.
- A persoa solicitante será a nai, pai, titor ou titora legal.
- A/as persoa/s participantes serán o alumnado matriculado nos CEIP Plurilingüe de Louro, CEIP Ramón de Artaza e Malvárez e CEIP Plurilingüe Ricardo Tobío.